පාර්ලිමේන්තුවේ බහුතරය වන ශ්‍රී ලංකා පොදුජන පෙරමුණේ අනුග්‍රහයෙන් ශ්‍රී ලංකාවේ ජනාධිපති ධුරයට පත් රනිල් වික්‍රමසිංහගේ පාලන තන්ත්‍රය පිළිබදව ඇමරිකාවේ බලවත් සතුට ඉහළින්ම ප්‍රකාශ වී තිබේ.

"දැන් ලැබිලා තියෙන ආර්ථික ස්ථාවරයත් එක්ක ඊට පස්සේ දේශපාලන ස්ථාවරත්වය ඇති වෙනවා. ඒකට හොඳම පුද්ගලයා තමයි ඔබතුමා. අනික මේක ඉතිහාසගත වෙන ආකාරයේ පරීක්ෂාවක්."

දිවයිනට පැමිණ සිටින ඇමරිකා එක්සත් ජනපදයේ දකුණු හා මධ්‍යම ආසියානු කටයුතු පිළිබඳ කාර්යාංශයේ සහකාර රාජ්‍ය ලේකම් ඩොනල්ඩ් ලූ (Donald Lu) ඔක්තෝබර් 19 වැනිදා ඒ බව සදහන් කළේ ජනාධිපති රනිල් වික්‍රමසිංහ මුණගැසි සිදුකළ සාකච්ඡාවේදීය.


ත්‍රස්ත නීති යොදාගෙන සිරගත කළ වසන්ත මුදලිගේ සහ ගල්වැව සිරිධම්ම ශිෂ්‍ය නායකයන් නිදහස් කරන ලෙස බලකරමින් අන්තර් විශ්ව විද්‍යාල ශිෂ්‍ය බල මණ්ඩලය දියත් කළ විරෝධතා පෙළපාලියකට පහරදී පොලිසිය අටදෙනකු අත් අඩංගුවට ගත් එදින එක්සත් ජනපද තානාපතිනි ජූලි චුන්ග් ද එක්ව සිටි එම සාකච්ඡාවේදී සහකාර රාජ්‍ය ලේකම් ඩොනල්ඩ් ලූ ශ්‍රී ලංකාව හඳුන්වා තිබුනේ සාමකාමී තත්වයකට පත්ව තිබෙන රටත් ලෙසයි.



"මම හරිම සතුටට පත්වුණා රට හරිම සාමකාමී තත්ත්වයකට පත්වෙලා තිබීම ගැන. ඒ සම්බන්ධව  ඔබතුමාට සුබ පතනවා."

සිනාසෙමින් එයට ප්‍රතිචාර දැක්වු ජනාධිපති රනිල් වික්‍රමසිංහගේ කෙටි පිළිතුර වුයේ "අපිට තව ලොකු දුරක් යන්න තියෙනවා" යන්නයි.

එයට පෙරලා පිලිතුරු දුන් ඩොනල්ඩ් ලූ ජනාධිපතිගේ ආර්ථික ක්‍රියා කලාපය තව දුරටත් අගය කර තිබුනි.

"නෑ අපිට පේනවා ඔබගේ ඉල්ලක්කය ශිෂ්ට සම්පන්න ආර්ථිකයක් මේ රටේ ගොඩනැගීම බව. ඒවගේම මේ වසරේ මෑන් බුකර් ත්‍යාගය ලබාගන්නත් පුළුවන් උනේ ශ්‍රී ලංකික කතුවරයකුට."

Shehan 2022.10.21
2022 වසර සඳහා වන “බුකර්” සම්මානය ශ්‍රී ලාංකික ලේඛක ෂෙහාන් කරුණාතිලකට හිමිවුයේ  ඔහු විසින් රචිත ද සෙවන් මූන්ස් ඔෆ් මාලි අල්මේදා (The Seven Moons of Maali Almeida) නැමැති කෘතිය වෙනුවෙනි.

එය දෙවැනි ජවිපෙ කැරැල්ල සමය පසුබිම් කොට රචිත ඉන්ද්‍රජාලික යථාර්ථ රීතිය ගත් කෘතියක් සේ හඳුන්වා දී ඇත.

තිස් වසරකට වැඩි ඈත අතීතයක් කරා යාම "වඩාත් ආරක්‍ෂිත" බව හැඟී ගියේ යයි ලන්ඩනයේ පලකෙරෙන ගාඩියන් පුවත්පතට පැවසු ෂෙහාන් ගුණතිලක ඒ කාලයට අදාළ පුද්ගලයන් අතරින් ජීවතුන් අතර සිටින්නේ ටික දෙනකු වීම ඊට හේතු වශයෙන් දක්වා තිබුණි.

බුකර් සම්මානයෙන් පිදුම් ලැබුවේ පළමු ශ්‍රී ලාංකිකයා වුයේ මයිකල් ඔන්ඩච්චිය.

ඒ, දෙවැනි ලෝක යුද්ධය පසුබිම් කොටගෙන 1992 වසරේ පලකළ 'දි ඉංග්ලිෂ් පේෂන්ට්' (The English Patient) නවකතාව වෙනුවෙනි.

 

The LEADER Whatsapp Group එකට එකතුවෙන්න 

new logo

subscribeYT

WhatsApp Image 2021 09 13 at 13.49.58

නවතම පුවත්