බදු පැනවීම සහ රටේ පවතින ආර්ථික අර්බුදයෙන් රටේ අනාගතය පිළිබඳව පවතින අවිනිශ්චිත තත්වය නිසා තොරතුරු තාක්ෂණ ක්ෂේත්රයේ ඉංජිනේරුවන් ඇතුළු වෘත්තිකයන් සියයට 10 ක් පමණ විදේශ රැකියාවට ගොස්
ඇති බව ශ්රී ලංකා පරිගණක සංගමය පවසයි.
එම සංගමයේ සභාපති දමිත් හෙට්ටිහේවා ඊයේ (2) එබව සඳහන් කළේය.
ශ්රී ලංකා පරිගණක සංගමයේ ඇස්තමේන්තුව අනුව දැනට තොරතුරු තාක්ෂණ ක්ෂේත්රයේ සෘජුවම 150,000 ක පමණ රැකියා කරන බව කී හෙට්ටිහේවා, 2021 වසරේ කළ සමීක්ෂණයට අනුව තොතුරු තාක්ෂණ ක්ෂේත්රයේ සෘජු ශ්රම බලකාය 125,000 පමණ වූ බව ද සඳහන් කළේය.
හතර වැනි තාක්ෂණ විප්ලව ඩිජිටල් විප්ලවක් වීම නිසා තොරතුරු තාක්ෂණ ඉන්ජිනේරුවන්ට සහ වෘත්තිකයන්ට හොඳ ඉල්ලුමක් ඇති බවත් ඒ හේතුවෙන් මේ වන විට තොරතුරු තාක්ෂණ ක්ෂේත්රයේ වෘත්තිකයන් 10,000 ක් පමණ රටහැර ගොස් ඇතැයි ඇස්තමේන්තු කර ඇති බවත් ඔහු සඳහන් කළේය.
තොරතුරු තාක්ෂණ ක්ෂේත්රයේ වසරක ශ්රමබලකා අවශ්යතාව වෘත්තිකයන් 20,000 ක් පමණ වුවද එහි සැපයුම වෘත්තිකයන් 8000 ත් 9000 ත් අතර පැවති බව කී හෙට්ටිහේවා, තොරතුරු තාක්ෂණ ක්ෂේත්රයේ බුද්ධිගලනය පාලන කිරීමට බදු සහන ඇතුළු සහන දී ඔවුන් රටේ නවතා ගැනීමට රජය කටයුතු කළ යුතු බව ද වැඩි දුරටත් සඳහන් කළේය.