කංචනගේ කාලයේ මහා පරි­මාණ ගල්අඟුරු වංචා­වක් ගැන කොමි­ස­මට පැමි­ණි­ල්ලක්

එම පැමිණිල්ල ඉදිරිපත් කර තිබුනේ, ජාතික ජන බලවේගයේ (NPP) ගම්පහ දිස්ත්‍රික් පාර්ලිමේන්තු මන්ත්‍රී නීතිඥ උපුල් අබේවික්‍රම සහ පාර්ලිමේන්තු මන්ත්‍රී ස්ටෙෆන් ප්‍රනාන්දු විසිනි.

 කංචන විජේ­සේ­කර, විදු­ලි­බල හා බල­ශක්ති ඇමැ­ති­ව­රයා ලෙස කට­යුතු කළ සමයේ මෙර­ටට ගල්අ­ඟුරු ආන­ය­නය කිරී­මේදී සිදුව ඇතැයි කියන මහා පරි­මාණ මූල්‍ය වංචා­වක් සහ දූෂ­ණ­යක් සම්බ­න්ධ­යෙන් විධි­මත් පරී­ක්ෂ­ණ­යක් පව­ත්වන ලෙස ඉල්ල­මින් ඔවුන් එම පැමිණිල්ල ඉදිරිපත් කර ඇත.

පැමි­ණිල්ල භාර දීමෙන් අන­තු­රුව මාධ්‍ය වෙත අද­හස් දැක්වූ පාර්ලි­මේන්තු මන්ත්‍රී උපුල් අභ­ය­වි­ක්‍රම පැවසුයේ, රට බංකො­ලොත් වී දැඩි ආර්ථික අර්බු­ද­ය­කට මුහුණ දී තිබූ එම වක­වා­නුවේ, හිටපු ජනා­ධි­පති රනිල් වික්‍ර­ම­සිංහගේ රජය යටතේ බල­ශක්ති ඇමැ­ති­ව­රයා ලෙස කට­යුතු කළ කංචන විජේ­සේ­කර  ප්‍රස­ම්පා­දන ක්‍රියා­ව­ලිය මඟ­හැර ගල්අ­ඟුරු ආන­ය­නය කළ බවය.

“එම කාලය තුළ මෙර­ටට ගල්අ­ඟුරු ගෙන්වීම සඳහා කැඳවා තිබූ ටෙන්ඩ­රයේ අවම ලංසුව ඉදි­රි­පත් කර­මින් සුදු­සු­කම් ලබා සිටියේ ‘ආදිත්‍යා’ සමා­ග­මයි. නමුත් පසුව කැබි­නට් මණ්ඩල තීර­ණ­ය­කට මුවා වී, අදාළ ප්‍රස­ම්පා­දන ක්‍රියා­ව­ලිය පවා සම්පූර්ණ කර නොතිබූ ‘ෆොටෙ­න්සියා’ නමැති වෙනත් සමා­ග­ම­කට මෙම ගල්අ­ඟුරු ඇණ­වුම ලබා දීමට කට­යුතු කර තිබෙ­නවා.” යැයි මන්ත්‍රීවරයා කියා සිටි­යේය.

ප්‍රස­ම්පා­දන ක්‍රියා­ව­ලිය නිසි පරිදි සම්පූර්ණ නොකළ සමා­ග­ම­කට මෙවැනි මහා පරි­මාණ ටෙන්ඩ­ර­යක් පැව­රීම පිටු­පස බර­ප­තළ දූෂ­ණ­යක් සහ වංචා­වක් සිදුව ඇති බවට සාධා­රණ සැක­යක් පව­තින බව මන්ත්‍රී­වරු පව­සති.

රට දැඩි ආර්ථික බංකොලොත්භාවයකට මුහුණ දී ඩොලර් හිඟයකින් පෙළුණු වකවානුවක, අවම මිලට (Lowest Bid) භාණ්ඩ සැපයීමට සිටි සමාගම මඟහැර වැඩි මිලට හෝ අක්‍රමවත් ලෙස වෙනත් සමාගමකට ටෙන්ඩරය පැවරීම හරහා රටට විශාල විදේශ විනිමය ප්‍රමාණයක් අහිමි වී ඇති බවට එම පැමිණිල්ල මගින් චෝදනා කර ඇත.  

රටේ ආර්ථි­කය අගා­ධ­යට වැටී තිබූ මොහො­තක, නිසි ටෙන්ඩර් පටි­පා­ටිය උල්ලං­ඝ­නය කර­මින් සහ අවම ලංසු­කරු බැහැර කර­මින් සිදු­කර ඇති මෙම ගනු­දෙ­නුව පිළි­බඳ ජනා­ධි­පති විම­ර්ශන කොමි­සම මඟින් කඩි­නම් හා විනි­වි­ද­භා­ව­යෙන් යුතු පරී­ක්ෂ­ණ­යක් පව­ත්වනු ඇතැයි තමන් දැඩිව අපේක්ෂා කරන බව ද මන්ත්‍රී­වරු මෙහිදී අව­ධා­ර­ණය කළහ.

ජනා­ධි­පති අනුර කුමාර දිසා­නා­යක විසින් පත් කරන ලද, ශ්‍රේෂ්ඨා­ධි­ක­රණ විනි­සුරු ගිහාන් කුල­තුංග ගේ සභා­ප­ති­ත්ව­යෙන් යුත් මෙම විශේෂ කොමි­සම මඟින් 2016 ජන­වාරි 01 සිට 2026 අප්‍රේල් 16 දක්වා දස වස­රක කාලය තුළ සිදු වූ සිය­ලුම ප්‍රස­ම්පා­දන සහ මූල්‍ය ගනු­දෙනු පිළි­බඳ පුළුල් විම­ර්ශ­න­යක් සිදු කිරී­මට නිය­මි­තය.

විම­ර්ශ­න­යට අදාළ තොර­තුරු spci.coal@presidentsoffice.lk යන විද්‍යුත් තැපෑල හරහා හෝ කොළඹ 12, සාංචි ආරච්චි මාවතේ පිහිටි කොමි­ෂන් සභා කාර්යා­ලය වෙත ලිඛි­තව යොමු කළ හැකි අතර, තොර­තුරු ලබා දෙන්නන්ගේ රහ­ස්‍ය­භා­වය සුරැ­කී­මට ද කොමි­සම පිය­වර ගෙන ඇත. කොමි­සම ගල්අ­ඟුරු ආන­ය­න­යේදී සිදුව ඇතැයි කියන දූෂණ හෝ වංචා පිළි­බඳ තොර­තුරු හා පැමි­ණිලි ලබන 22 වැනිදා භාර ගැනී­මට නිය­මි­තය.