ගල් අඟුරු ප්‍රසම්පාදන ක්‍රියාවලිය පිළිබඳ විමර්ශනය කරන විශේෂ ජනාධිපති විමර්ශන කොමිෂන් සභාව වෙත මහජනතාවට සහ විවිධ පාර්ශවයන්ට පැමිණිලි හා තොරතුරු ඉදිරිපත් කිරීම සඳහා ලබා දී තිබූ කාලය ඊයේ (මැයි 22 වනදායින්) අවසන් විය
කොමිසම සඳහන් කරන පරිදි මන්ත්‍රීවරිය ඇතුළු විවිධ පාර්ශ්වයන්ගෙන් මේ වන විට පැමිණිලි 23ක් ලැබී ඇත. කොළඹ අලුත්කඩේ අධිකරණ සංකීර්ණයේ පිහිටි කොමිෂන් සභා කාර්යාලය වෙත මෙම පැමිණිලි යොමු කර තිබේ.
විමර්ශනයට මුල් වූ හේතුව (ගල් අඟුරු අර්බුදය)
2025/2026 වාරය සඳහා "ට්‍රයිඩන්ට්" (Trident) නැමති සමාගමකින් ගල් අඟුරු මිලදී ගැනීමේදී බරපතළ නීති විරෝධී ක්‍රියා සහ අක්‍රමිකතා සිදුව ඇති බවට විගණකාධිපතිවරයා විශේෂ වාර්තාවක් මඟින් පෙන්වා දී තිබුණි.
අදාළ සමාගම විසින් ලංකාවට ආනයනය කරන ලද ගල් අඟුරු නිසි ප්‍රමිතියෙන් තොර (Substandard) ඒවා බවත්, එමඟින් ලක්විජය (නොරොච්චෝලේ) බලාගාරයේ විදුලි උත්පාදන ධාරිතාවට සහ පද්ධතියට හානි සිදු වූ බවටත් චෝදනා එල්ල විය.
මෙම ගනුදෙනුව හේතුවෙන් රජයට රුපියල් මිලියන ගණනාවක විශාල මූල්‍යමය පාඩුවක් සිදුව ඇති බව විගණන මඟින් අනාවරණය විය.
ජනාධිපති කොමිසමේ ව්‍යුහය හා කාර්ය භාරය
මේ අනුව, ශ්‍රී ලංකාවේ ගල් අඟුරු ආශ්‍රිත විදුලි ජනන ක්‍රියාවලිය ආරම්භ වූ අවස්ථාවේ සිට 2026 අප්‍රේල් 16 වන දිනෙන් අවසන් වූ කාල සීමාවේ රජයට අයත් සී/ස ගල්අඟුරු පුද්ගලික සමාගම හෝ එහි අනුප්‍රාප්තිකයින් මඟින් ලංකාවට ගල්අඟුරු ආනයනය කිරීමේදී සහ විදුලිය නිෂ්පාදනයේදී අක්‍රමිකතා හෝ නීති විරෝධී ක්‍රියා සිදුවී ඇත්දැයි පරීක්ෂා කර බැලීම සඳහා ජනාධිපති අනුර කුමාර දිසානායක විසින් 1978 අංක 04 දරන විශේෂ ජනාධිපති පරීක්ෂණ කොමිෂන් සභා (විශේෂ විධිවිධාන) පනතේ සංශෝධිත ජාතික රාජ්‍ය සභාවේ 1978 අංක 07 දරන විශේෂ ජනාධිපති පරීක්ෂණ කොමිෂන් සභා පනතේ 2වන වගන්තියේ විධිවිධාන අනුව කොමිෂන් සභාවක් පත්කරනු ලැබිය.
මෙම කොමිෂන් සභාවේ සභාපති ලෙස ශ්‍රේෂ්ඨාධිකරණ විනිසුරු ගිහාන් කුලතුංග පත්කරනු ලැබූ අතර සෙසු සාමාජිකයන් ලෙස අභියාචනාධිකාරණ විනිසුරු ආදිත්‍ය පටබැඳිගේ සහ මහාධිකරණ විනිසුරු සංජීව සෝමරත්න පත් කරනු ලැබ සිටිති.
මෙම කොමිෂන් සභාවේ ලේකම් වශයෙන් හිටපු රාජ්‍ය අමාත්‍යාංශයේ ලේකම් පී.වී. බන්දුලසේන කටයුතු කරයි. .
ඉදිරි පියවර
ලැබී ඇති පැමිණිලි 23 මූලික සමාලෝචනයකට ලක් කිරීමෙන් අනතුරුව, මන්ත්‍රීනී හසාරා ලියනගේ ඇතුළු පැමිණිලිකරුවන්ව සහ අදාළ නිලධාරීන්ව ඉදිරි දිනවලදී සාක්ෂි ලබාදීම සඳහා කොමිසම හමුවට කැඳවීමට නියමිතය.
මාස 6ක් ඇතුළත මෙහි සම්පූර්ණ විමර්ශන වාර්තාව ජනාධිපතිවරයා වෙත භාර දීමට නියමිතව ඇත.
ඊයේ සිය පැමිණිල්ල බාර දීමෙන් අනතුරුව හසාරා ලියනගේ මන්ත්‍රීවරිය, හිටපු බලශක්ති අමාත්‍ය කාංචන විජේසේකර ගේ පාලන සමයේ සිදුව ඇතැයි පැවසෙන වංචා හා දුෂණ සම්බන්ධයෙන් ද මාධ්‍ය වෙත මෙසේ අදහස් දැක්විය.
