සය මසකට ඉහත දී අහඹු ලෙස වන්නියෙන් මතුවූ සමූහ මිනීවලේ තෙවැනි අදියරේ කැනීම් කටයුතු සිදු කළ අටවැනි දිනයේදී ද මානව ඇටසැකිලි

ගොඩ ගෙන තිබේ.

නොවැම්බර් 28 වැනි දා සිරුරු ගොඩගැනීමේ කටයුතු නිරීක්ෂණය කරමින් සිටි නීතිඥ වී එස් නිරංජන් ප්‍රදේශයේ මාධ්‍යවේදීන් හා කියා සිටියේ මේ දක්වා කොක්කුතොඩුවායි සමුහ සුසානයෙන් අවම වශයෙන් පුද්ගලයන් 39 දෙනකුට අයත් අස්ථි කොටස් ගොඩ ගෙන ඇති බවයි.

මේ වනවිට දිගින් අඩි 14ක්ද පළලින් අඩි හතරක්ද වන ප්‍රදේශයක කැනීම් කටයුතු කෙරෙමින් පවතින බව කී නීතිඥ නිරංජන්, ඊට එපිටින් ඇති මහාමාර්ගය යටද සිරුරු ඇති බවට සැක පල කළේය.

කොක්කුතොඩුවායි සමුහ සුසානයේ ප්‍රමාණය තිරණය කිරීම සදහා රේඩාර් උපකරණ භාවිතයෙන් සිදු කෙරෙන පරික්ෂණ කටයුතු පසුගිය සිකුරාදා සහ සෙනසුරාදා යන දින දෙක තුලදී සිදු කර තිබුනි.

කොළඹ සිට පැමිණි පුද්ගලික ආයතනයක හය දෙනකුගෙන් යුත් කණ්ඩායමක් ස්කෑනර් යන්ත්‍ර දෙකක් භාවිතයෙන් පරීක්ෂා කිරීම් කටයුතු සිදු කළ අතර එහි ප්‍රතිපල තවමත් ප්‍රකාශයට පත් කර නැත. නීතිඥයා විශ්වාසය පළ කලේ එහි ප්‍රතිපල හා කැනීම් කටයුතු වල ඉදිරිය සම්බන්ධයෙන් හෙට දිනයේදී අධිකරණයේ සාකච්ඡාවක් සිදු විය හැකි බවයි.

කොක්කුතොඩුවායි මහාවිද්‍යාලයේ සිට කෝකිලායි දෙසට මීටර් 200ක් පමණ දුරකින් ජුනි 29 වැනි බ්‍රහස්පතින්දා හවස් යාමයේ මිනිස් සිරුරු කොටස් සහ ඇඳුම් කොටස හමුවී තිබුනේ ජල සම්පාදන දෙපාර්තමේන්තුවේ කාර්ය මණ්ඩලය ජලනල එළීමට පොළව හාරමින් සිටියදී ය.

Kokkuthoduvai 12023.11.29

 

Follow Us

Image
Image
Image
Image
Image
Image

නවතම පුවත්