රට බංකොලොත් භාවයට ඇද වැටී තිබූ පසුගිය වකවානුවේ දී රෝහල්ගත නේවාසික රෝගීන් හට නියමිත ආහාර වේල පවා නිසියාකාරයෙන් ලබා දීමට නොහැකි වූ
බව රට පමණක් නොව ලොව ම දන්නා කරුණකි.
වර්තමානයේ දී එම තත්ත්වය යම් පමණකට සමනය වී තිබුණ ද පෙර පැවති තත්ත්වයට ළඟා වීමට නොහැකි වී ඇති බව ශ්‍රී ලංකා පෝෂණ විශේෂඥ වෛද්‍යවරුන්ගේ සංගමය මීට පෙර අවධාරණය කර තිබිණ.
නමුදු මේ වන විට, සෞඛ්‍ය අමාත්‍යංශයේ මැදිහත්වීමෙන් සහ වෙනත් බාහිර පාර්ශ්වවල ද ආධාර සහ අනුග්‍රහය මත රෝගීන් බලාපොරොත්තු වන ගුණාත්මක සහ රසවත් ආහාර වේලක් ලබා දීමේ ව්‍යාපෘතියක් ආරම්භ කිරීමට ශ්‍රී ලංකා පෝෂණ විශේෂඥ වෛද්‍යවරුන්ගේ සංගමය සමත් වී තිබේ.
මෙම ව්‍යාපෘතියට අනුව එක් එක් රෝගින් වෙනුවෙන් ම සකස් කළ ආහාර පිඟානක් හඳුන්වා දීමට නියමිත ය. එමෙන් ම එම ආහාර පිඟානෙහි පෝෂ්‍යදායි භාවය, ගුණාත්මක භාවය සහ රසවත් භාවය රෝගි පුද්ගලයාගේ රැචි අරුචිකම් අනුව සකස් කිරීමට සැලසුම් කර ඇති අතර අතුරුපසක් ලබා දීමට ද කටයුතු කරනු ඇත.
අදාළ ව්‍යාපෘතියේ පළමු පියවර මහරගම අපේක්ෂා රෝහලෙන් ආරම්භ කිරීමට සැලසුම් කර ඇති අතර එම රෝහලේ රෝගින් වෙනුවෙන් සැකසෙන ආහාර සඳහා වැය වන සම්පූර්ණ මුදල රුහුණු කතරගම මහා දේවාල අරමුදලෙන් ලබා දීමට කැමැත්ත පළ කර ඇති බව ශ්‍රී ලංකා පෝෂණ විශේෂඥ වෛද්‍යවරුන්ගේ සංගමය පවසයි.
මතු දැක්වෙන්නේ ශ්‍රී ලංකා පෝෂණ විශේෂඥ වෛද්‍යවරුන්ගේ සංගමය විසින් නිකුත් කරන ලද නිල නිවේදනය යි.
(සටහන - ජයසිරි අලවත්ත)
සබැඳි පුවතක් :
රජයේ රෝහල්වල නියමු ව්‍යාපෘතියක් - රෝගීන්ගේ අතටම එන තරුපහේ කෑම වේලක්
