කොවිඩ් 19 වසංගතයේදී රෝගීන් සඳහා අත්‍යාවශ්‍ය වන වෛද්‍ය ඔක්සිජන් දේශීයව නිෂ්පාදනය කිරීමට අවශ්‍ය සියලු පහසුකම් වලින් යුත් කර්මාන්ත ශාලාවක් ඉදිරිකිරීමට ශ්‍රී ලංකා ඉඩම් සංවර්ධනය කිරීමේ සංස්ථාවට
අයත් අක්කර 25 ක භූමියක් ලිට්රෝ ගෑස් ලංකා සමාගමට ලබා දීමට අද දින (02) ගිවිසුම් අත්සන් කරන ලදී.
 
ඒ, ජනාධිපති කාර්යය සාධක බලකායේ උපදෙස් අනුවය. 
 
රජයේ තක්සේරුකරුගේ තක්සේරුව වටිනාකමට යටත්ව ඒ සදහා අත්තිකාරම් මුදල් වශයෙන් රුපියල් මිලියන 500 ක මුදලක් ලිට්රෝ ගෑස් ලංකා සමාගම විසින් ශ්‍රී ලංකා ඉඩම් සංවර්ධනය කිරීමේ සංස්ථාව වෙත එම කාර්යාලයේදී ලබාදෙනු ලැබිය.
 
මෙම අවස්ථාවට ශ්‍රී ලංකා ඉඩම් සංවර්ධනය කිරීමේ සංස්ථාවේ සභාපති මේජර් ජෙනරාල් එම්.ආර්.ඩබ්.සොයිසා හා එම සංස්ථාවේ සාමාන්‍යාධිකාරි ශ්‍රීමතී සේනාධීරඇතුලු නිළධාරීන් මෙන්ම ලිට්රෝ ගෑස් ලංකා සමාගමේ සභාපති අනිල් කොස්වත්ත ඇතුලු නිළධාරීන් සහභාගී විය.
 
 
 Gas 2021.06.02
 
 
ලෝකය පුරා ව්‍යාප්ත වෙමින් පවතින කොවිඩ් වසංගතය හමුවේ මේ වන විට ශ්‍රී ලංකාවද ගොදුරු වී ඇති අතර රෝගීන් සංඛාව ඉහළ ගිය හොත් දැනට දේශීයව සපයන ලද ඔක්සිජන් ප්‍රමාණවත් නොවන බව සෞඛ්‍ය බලධාරීන් විසින් පුරෝකථනයන කොට ජනාධිපති කාර්යය සාධක බලකාය වෙත දැනුම් දී තිබේ.
 
දැනට පවතින සමාගම් විසින් දිනකට මෙට්ට්‍රික් ටොන් 90 පමණ ඔක්සිජන් නිෂ්පාදනය කරන අතර ඉදිරියේදී පවතින ඉල්ලුමට පිළියමක් ලෙස ලිට්රෝ ගෑස් සමාගමට ඔක්සිජන් නිෂ්පාදනය සදහාද අවතීර්ණ වන ලෙසත් හිඟයකින් තොරව සෞඛ්‍ය අංශ වෙත ඉදිරියේදී ඉල්ලුමට අනුව ලබා දීමට ක්‍රියා කරන ලෙසත් ජනාධිපතිවරයාත්, ජනාධිපති කාර්යය සාධක බලකායේ සභාපති බැසිල් රාජපක්ෂ තමන් වෙත උපදෙස් දී තිබු බව අනිල් කොස්වත්ත පවසයි.
 
ඒ අනුව  ජනාධිපති කාර්යය සාධක බලකායේ කමිටුව විසින් ගත් තීරණයට අනුව ලිට්රෝ ගෑස් ලංකා සමාගම මෙම ජාතික කර්තව්‍යය සිදු කරනු ලබන බව සභාපතිවරයා තවදුරටත් කියා සිටියේය.
 
ජාතික LP ගෑස් සැපයුම්කරු ලෙස LP ගෑස් බෙදා හැරීමට අමතරව ඔක්සිජන් නිෂ්පාදනය කොට බෙදාහැරීමේ කර්ත්‍යවයද සිදු කිරීමට නියමිතය.
 
එමෙන්ම ලිට්රෝ සමාගමේ අධ්‍යක්ෂක මණ්ඩලය  විසින් ගත් තීරණයන්ට අනුව කෙරවළපිටියේ අක්කර 25 ක භූමි ප්‍රමාණය තුළ ඔක්සිජන් නිෂ්පාදනය හා බෙදාහැරීමේ ජාලයක් ස්ථාපනය කිරීමට තීරණය කර ඇත.
 
 
 
 
###############
THE LEADER TV 
 
THE LEADER TV 
 
 

විමල් රුසියා යද්දී අමරසේකරගෙන් ජනාධිපතිට ඉන්ජෙක්ෂන් එකක්!

 

රට බේරගන්න ආ ලොක්කන්ගෙන් ජනතාව බේරගන්න සුවවිරුවන් සටනට !

 

Follow Us

Image
Image
Image
Image
Image
Image

Exchange Rates

නවතම පුවත්