1200 x 80 DMirror
 
 

 කුරුණෑගල හෙට්ටිආරච්චිගම දරුවන් මාර්ගත අධ්‍යාපනය ලබන හැටි. මහ ගලක් උඩ දෙන්නාටම එක ස්මාට් ෆෝන් එකයි! (srilankabrief.org)
 
 මාරාන්තික වසංගත ව්‍යාප්තිය හමුවේ පාසල් වසා දැමීම නිසා අධ්‍යාපනය අහිමි වූ පාසල් දරුවන්ට විකල්පයක් ලබාදීමේ නොහැකියාව වසා ගැනීමට ආණ්ඩුව ප්‍රචාරක ව්‍යාපෘතියක නියැලෙන බවට දිවයිනේ ප්‍රමුඛතම ගුරු සංගමයක් චෝදනා කරයි.
 
ලංකා ගුරු සංගමය පෙන්වා දෙන්නේ කෝවිඩ් වසංගත තත්වය තුළ වසරකුත් මාස තුනකට වැඩි කාලයක් පාසල් දරුවන්ට අධ්‍යාපනය අහිමි වී තිබියදී ඒ සම්බන්ධයෙන් අධ්‍යාපන බලධාරීන්ගේ එකම විකල්පය වී ඇත්තේ මාර්ගගත අධ්‍යාපනය බවයි.
 
එහෙත් ඒ තුළ 60% කට වැඩි දරුවන් පිරිසකට මුළුමනින්ම අධ්‍යාපනය අහිමිව ඇත.
 
 
 
 
අධ්‍යාපන අමාත්‍යාංශයේ ම දත්තවලට අනුව දිවයිනේ පාසල් දෙදහසකට  වැඩි ප්‍රමාණයක් පවතින ප්‍රදේවලට අන්තර්ජාල ආවරණ නොමැති බව තහවුරු කරගෙන තිබේ.
 
 
එසේ තිබියදී මාර්ගගත අධ්‍යාපන පහසුකම් නොමැති ප්‍රදේශවල දරුවන්ට අධ්‍යාපනය ලබාදීමට වැඩපිළිවෙලක් ලෙස පරිගණක හෝ ටැබ් පරිගණක 10 කින් යුත් ප්‍රාදේශීය අධ්‍යාපන මධ්‍යස්ථාන සකස් කිරීමට අධ්‍යාපන අමාත්‍යාංශය විසින් ජුනි 17 දින පළාත් අධ්‍යාපන බලධාරීන්ට උපදෙස් ලබාදෙන ලදී.
 
ඒ සම්බන්ධයෙන් ජුනි 21 සඳුදා  අධ්‍යාපන අමාත්‍ය මහාචාර්ය ජී.එල්. පීරිස්, ඩිජිටල් පහසුකම් පිළිබඳ රාජ්‍ය අමාත්‍ය නාමල් රාජපක්ෂ, අධ්‍යාපන රාජ්‍ය අමාත්‍ය පියල් නිශාන්ත හා ජනමාධ්‍ය අමාත්‍ය කෙහෙළිය රඹුක්වැල්ල යන අමාත්‍යවරුන්ගේ සහභාගිත්වයෙන් රජයේ ප්‍රවෘත්ති දෙපාර්තමේන්තුවේදී මාධ්‍ය සාකච්ඡාවක් පවත්වන ලදී.
 
එහිදී අධ්‍යාපන අමාත්‍ය මහාචාර්ය ජී.එල්. පීරිස් ප්‍රකාශ කර සිටියේ කෝවිඩ්  වසංගත තත්වය තුළ අධ්‍යාපනය අහිමිව ඇති පිරිස 12% ක්    බවයි.
 
 
 
මහාචාර්ය ඇමැතිගේ දත්ත බොරු:
 
 Photo 13
 
අධ්‍යාපන අමාත්‍යවරයාගේ එම දත්ත සම්පුර්ණයෙන්ම වැරදි බවයි ලංකා ගුරු සංගමය පවසන්නේ.
 
"අධ්‍යාපන අමාත්‍යවරයාගේ මෙම සංඛ්‍යා දත්ත සම්පූර්ණයෙන්ම අසත්‍ය දත්තය. අසත්‍ය තොරතුරු අධ්‍යාපන අමාත්‍යවරයාට ලබාදෙමින් අධ්‍යාපන ලේකම් ඇතුළු අධ්‍යාපන අමාත්‍යාංශ නිලධාරීන් වගකීම් විරහිතව කටයුතු කිරීම බරපතල කනගාටුදායක තත්වයකි."
 
 
ඊ තක්සලාව ඔස්සේ 1 ශ්‍රේණියේ සිට 13 ශ්‍රේණිය දක්වා අධ්‍යාපනය පවත්වාගෙන යන බව සඳහන් කරන අධ්‍යාපන අමාත්‍යවරයා ඒ මගින් මේ වන විට පාඩම් 65000 ක සිදුකර ඇති බව සඳහන් කරයි. එසේම ඔහු සඳහන් කරන්නේ දිනකට ඊ තක්සලාවට සිසුන් දෙලක්ෂයක් සහභාගි වන බවයි.
 
 
1 ශ්‍රේණියේ සිට 13 ශ්‍රේණිය දක්වා ඉගෙනුම ලබන දරුවන් ලක්ෂ 43 ක් පමණ පාසල් පද්ධතියේ සිටින අතර, ඉන් ලක්ෂ 2 ක් පමණක් ඊ තක්සලාව ඔස්සේ අධ්‍යාපනය ලබන බව පැවසීමෙන්ම එහි අසාර්ථක භාවයත්, joseph 23දරුවන්ට අධ්‍යාපනය අහිමි වීමත් මනාව පැහැදිලි වන බවයි ලංකා ගුරු සංගමයේ ප්‍රධාන ලේකම් ජෝසප් ස්ටාලින් පවසන්නේ.
 
 
 
"දැනටමත් මාර්ගගත අධ්‍යාපනය මෙතරම් අසාර්ථ වී තිබියදීත් අධ්‍යාපනය අහිමි වූ දරුවන්ට තවදුරටත් අධ්‍යාපනය ලබාදීමට ආණ්ඩුවේ විකල්පය වී ඇත්තේ පරිගනක දහයකින් සමන්විත ප්‍රාදේශීය අධ්‍යාපන මධ්‍යස්ථාන ගොඩනැගීමයි.  මාර්ගගත අධ්‍යාපනයට අවශ්‍ය උපාංග හෝ අන්තර්ජාල සම්බන්ධතා හා අන්තර්ජාල ආවරණ නොමැති දරුවන්ට පරිගණක දහයකින්  සමන්විත මෙවැනි මධ්‍යස්ථාන ඔස්සේ අධ්‍යාපනය ලබාදීම පිළිබඳ උත්කර්ශවත් ප්‍රචාරයක් ගෙනයාම ආණ්ඩුවේ තවත් රැවටිල්ලකි."
 
 
දරුවන්ට පීඩා සහ රෝග:
 
image 66d89092eb
 
ජ්‍යෙෂ්ඨ වෘත්තිය සමිති නායක ජෝසප් ස්ටාලින් නිවේදනයක් නිකුත් කරමින් පෙන්වා දෙන්නේ මෙවැනි රැවටිලි සහගත විජ්ජා පසෙක තබා, අසාර්ථක මාර්ගගත අධ්‍යාපනය මතම එල්ලී නොසිට වෙනත් දුරස්ථ අධ්‍යාපන ක්‍රමවේද වෙත යොමු වීමට අධ්‍යාපන අමාත්‍යාංශය කටයුතු නොකිරීම තුළ අධ්‍යාපන ලේකම්වරයා ඇතුළු වගකිව යුතු නිලධාරීන්ගේ අසමත් භාවය හා වගකීම් විරහිත භාවය මනාව පැහැදිලි වන බවයි.
 
මාර්ගගත අධ්‍යාපනය දුරස්ථ අධ්‍යාපන ක්‍රමවේදයන්ගේ එක් ක්‍රමවේදයක් පමණක් බව පෙන්වා දෙන ජ්‍යෙෂ්ඨ ගුරු සංගම් නායකයා අනාවරණය කරන්නේ එම ක්‍රමවේදය මේ වන විට  අසාර්ථක ක්‍රමවේදයක් වී ඇති අතර, දරුවන් දැඩි පීඩනයකට හා විවිධ රෝගාබාධවලට ලක් කර ඇති බවයි.
 
මෙවැනි තත්වයක් තුළ අධ්‍යාපන අමාත්‍යාංශය කළ යුත්තේ වෙනත් දුරස්ත අධ්‍යාපන ක්‍රමවේද වෙත යොමු වී අධ්‍යාපනය අහිමි වූ සිසුන්ට අධ්‍යාපනය ලබාදීමට කඩිනම් වැඩපිළිවෙලකට යාම බව ලංකා ගුරු සංගමය අවධාරණය කර සිටි.
 
 
 
අයවැයෙන් වෙන්කළ මුදලට මොකද වුනේ ?
 
 
අධ්‍යාපන රාජ්‍ය අමාත්‍ය පියල් නිශාන්ත මෙම මාධ්‍ය සාකච්ඡාවේදී සදහන් කර ඇත්තේ ගුරුවරුන්ට පරිගණක මිල දී ගැනීමට බැංකු ණය ලබාදීමට බැංකු සමග සාකච්ඡා  කරමින් සිටින බවයි.
 
එහෙත් පසුගිය රජය සමයේ උසස් පෙළ සිසුන්ට හා ගුරුවරුන්ට නොමිලේ ටැබ් පරිගණක ලබාදීමට අයවැයෙන් මුදල් වෙන් කරන බව සිහිපත් කරන ලංකා ගුරු සංගමය පවසන්නේ රු.26,000/- ක මුදලකට එක් පරිගණකයක් ලබාදීම සඳහා එසේ වෙන් කරන ලද මුදල්වලට වූයේ කුමක් ද යන්න ගැටලූ සහගත බවයි.
 
"එසේ නොමිලේ ලබාදීමට නියමිත පරිගණක ලබානොදී ගුරුවරුන්ට පරිගණක සඳහා ණය මුදල් ලබාදීමට අවධානය යොමු කිරීමෙන් ම වත්මන් ආණ්ඩුව අධ්‍යාපනය සම්බන්ධයෙන් දක්වන අඩු සැලකිල්ල ප්‍රදර්ශනය වේ. " ලංකා ගුරු සංගමය නිකුත් කළ මාධ්‍ය නිවේදනයේ වැඩි දුරටත් සදහන්ය.
 
 

 
 
 
THE LEADER TV 
 
 
බැසිල්ගේ රෙදි ගලවන්න උදයගෙන් කැබිනට් පත්‍රිකාවක් !
 
 
 
 
වසංගත රෝග හිටපු ප්‍රධානියා සමරවීර : අත්අඩංගුවට ගැනීමේ සුදානමක් ?
 
  
logo

subscribeYT

subscribeYT

නවතම පුවත්