සන්නද්ධ භට පිරිස් යොදවාගෙන උතුරේ දෙමළ ජනයාට අයත් පෞද්ගලික ඉඩම් බලහත්කාරයෙන් අත්පත් කරගැනීමට දින දෙකක් තුලදී නාවික හමුදාව

තුන්වැනි වතාවටත් දැරූ උත්සාහය පසු බැස්සවීමට කාන්තාවන් ප්‍රමුඛ ප්‍රදේශවාසී ජනයා සමත්ව තිබේ.

පළාත් බද වාර්තාකරුවන් පවසන්නේ නාවික නිලධාරීන්ගේ කැඳවීම අනුව සන්නද්ධ භට පිරිස් මැද යාපනයේ මාදගල් කරා පැමිණි රජයේ මිණින්දෝරුවන්ට ජනතා  විරෝධය හමුවේ ඊයේ දිනයේත් සිය මැනුම් කටයුතු සිදු නොකරම ආපසු  යාමට සිදු බවයි.

යාපනයේ, මාදගල් නැගෙනහිර, කුසුමන්තුරෙයි ප්‍රදේශයේ දෙමළ පියකුට අයත් කුඩා ඉඩමක් බලහත්කාරයෙන් අත්පත්කරගැනිමේ අරමුණින් කලින් දා රාත්‍රියේ ඉඩම් හිමියාගේ නිවසට ගිය නාවික හමුදා සාමාජිකයන් ඉඩම ලබා දීමට කැමැති බවට ලිපියකට අත්සන් කරන ලෙසට ඔහුට තර්ජනය කර ඇති බව විරෝධතාවය දියත් කළ ගම්වැසියන් සදහන් කළේය.

ඊයේ දිනයේ එම ඉඩමේ මැනීම් කටයුතු සදහා රජයේ මිණින්දෝරුවන් පැමිණි අවස්ථාවේ ඔවුන් පැමිනි වාහනය හරස් කොට විරෝධතා දක්වා ආපසු පිටත් කර හැරීමට කටයුතු කළ උද්ඝෝෂකයන් නැවත නාවික මුරපොළ ඉදිරියට පැමිණ දැවැන්ත විරෝධතාවයක් දියත් කර තිබුනි.

එම අවස්ථාවේ ආයුධ සන්නද්ධ නාවික භටයන් විශාල ප්‍රමාණයක් එම ස්ථානයේ යොදවා තිබෙන අයුරු පළාත් බද වාර්තාකරුවන්ගේ කැමරා කාචයට හසුව තිබේ.

ds

මාධ්‍යවේදීන් පවසන්නේ නාවික හමුදාව බලහත්කාරයෙන් අත්පත්කරගන්නට උත්සාහ දරන්නේ කුසුමන්තුරෙයි වෙරළ නිරීක්ෂණ මුරපොලට යාබද වෙරළාසන්න ඉඩමක් බවයි.

විරෝධතාවය අතරතුරදී එම ස්ථානයට පැමිණි ඉලවාලෙයි පොලිස් ස්ථානාධිපති විරෝධතාකරුවන්ට සහතික වී තිබුනේ බලහත්කාරයෙන් ඉඩම් අත්පත්කරගැනීමට තමන් ඉඩ නොදෙන බවයි. එමෙන්ම ඉඩම් හිමියාට බියෙන් තොරව ජීවත් විමේ වටපිටාවක් නිර්මාණය කර දෙන බවටත් ඔහු පොරොන්දු වී තිබේ.

"එහෙම බයවෙන්න දෙයක් නෑ. මම ඉන්නවා මෙතන මම ඕඅයිසී නේ. දැන් සිද්ධියක් වෙලා තියනවානේ. ඒක මං නවත්තන්නං. හරිද මමනේ කියන්නේ," යි පොලිස් පරීක්ෂකවරයා පවසන ආකාරය වීඩියෝ ගතව තිබේ.

පළාත් බද වාර්තාකරුවන් තවදුරටත් පවසන්නේ දෙසැම්බර් මාසයේ දෙවැනි දිනයේ ඉඩම් සම්බන්ධයෙන් පැවැත්වෙන රැස්වීමකදී මෙම ගැටළුව විසඳා දීමට පොලිස් පරීක්ෂක පොරොන්දු ලබා දීමෙන් පසු ගම් වැසියන් විරෝධතාවය අවසන් කළ බවයි.

නාවික හමුදාවට කදවුරු පුළුල් කිරීම සදහා නොවැම්බර් 29 වැනි සඳුදා යාපනයේ, මාදගල් නැගෙනහිර ප්‍රදේශයේ දෙමළ මාතාවකට අයත් අක්කර කාලයට මදක් අඩු භුමි ප්‍රදේශයක් හා යාපනයේ, මාදගල් බටහිර ප්‍රදේශයේ දෙමළ ජනයාට අයත් ඉඩම් අක්කරයක් මැනීම සදහා සුදානම් වු මොහොතේත්  දේශපාලනඥයන් සමග එක්වු ජනතාව දැඩි විරෝධතා දියත් කරමින් එම උත්සාහයන් නවතාලීමට කටයුතු කර තිබුනි.

උතුරේ වාර්තාකරුවන් අවධාරණය කරන්නේ දෙමළ ජනයාට අයත් පෞද්ගලික ඉඩම් නාවික හමුදා කදවුරු පුළුල් කර ගැනිම සදහා බලහත්කාරයෙන් අත්පත්කරගැනීමේ උත්සාහයන් රැසක්ම පසුගිය සමයේ ක්‍රියාත්මක වු බවයි.

 

 


 


THE  LEADER  TV
 
 
රත්තරන් හොරා කෑ ඇමතිගේ ගෝලයා!
 

අවි ගත්තෝ අවියෙන්ම නසින ලකුණු ! | මොණරවිලගේ ලියමන
 

 

subscribeYT

WhatsApp Image 2021 09 13 at 13.49.58