1200 x 80 DMirror

 
 


කෝවිඩ් පස්වැනි ප්‍රභේදය ගෝලීය අවදානමක් මතුකර ඇති බවට ලෝක සෞඛ්‍ය සංවිධානය අනතුරු අඟවා තිබියදී මෙවර අයවැයෙන් සෞඛ්‍ය සේවාවේ මුදල් කප්පාදු කිරීම ගැන සෞඛ්‍ය ඇමතිවරයා දොස් පවරා තිබේ.

සෞඛ්‍ය අමාත්‍යංශ වැය ශිර්ෂ කාරක සභා විවාදයට එක් වෙමින් හිටපු සෞඛ්‍ය ඇමැති දොස්තර රාජිත සේනාරත්න ඊයේ පාර්ලිමේන්තුවේදී මේ ගැන අවධාරණය කළේය.

ලෝක වසංගතයක් වන කෝවිඩ් වයිරසයේ පස්වැනි ප්‍රභේදය ලෙස හඳුනා ගෙන ඇති ඕමික්රෝන් මගින් විකෘතින් තිස් දෙකක් ඇති කරන බවට ලෝක සෞඛ්‍ය සංවිධානය පෙන්වා දී තිබේ.



රාජිත සේනාරත්න මන්ත්‍රීවරයා පවසන්නේ මෙවැනි අවදානමක් හමුවේ රාජපක්‍ෂ ආණ්ඩුව විසින් පසුගිය වසරේ අයවැයෙන් සෞඛ්‍යයට වෙන්කළ මුදලින් රුපියල් බිලියන 70 කට වැඩි ප්‍රමාණයක් කප්පාදු කර ඇති බවය. ''පසුගිය අයවැයෙන් රුපියල් බිලියන 301ක් වෙන්කර තිබුණා එත් මෙවර එය රුපියල් බිලියන 234 කට කප්පාදු කරලා,'' යැයි ඔහු පවසයි.



කෝවිඩ් ආසාදිතයන් ලක්‍ෂ පහකට වැඩි ගණනක් වාර්තා වී ඇති මෙරට කෝවිඩ් මරණ සංඛ්‍යාව 14 305 ක් වේ.

''එන්නත්කරණය පමාවිමත්, විද්‍යාත්මක ක්‍රමවේදයන් පිටු දකිමින් ධම්මික පැනිය, සුදර්ශිනී පැනිය,රිටිගල පැනිය,මුට්ටි දැමීම වැනි අවිද්‍යාත්මක ක්‍රම වලට යාමත් නිසා එන්නත් කරණය අතින් අද අප ඉන්නේ ලෝකයේ 39 වැනි තැන, ඒ වගේම කෝවිඩ් 19 ව්‍යාප්තිය අතින් අපි ඉන්නේ නරකම රටවල් අතර 58 වැනි තැන,'' යැයි හිටපු සෞඛ්‍ය ඇමැතිවරයා අවධාරණය කළේය.


මරණ අතින් ඉහලින්


දකුණු ආසියානු රටවල කෝවිඩ් මරණ සංඛ්‍යා ලේඛන සභාගත කරමින් ඔහු කියා සිටියේ ජනගනය මිලියනයකට ගණනය කළ කෝවිඩ් මරණ සංඛ්‍යාව අනුව ඉහලින් සිටින්නේ ශ්‍රී ලංකාව බවයි.



ජනගනය මිලියනයකට ගණනය කළ කෝවිඩ් මරණ සංඛ්‍යාව පාකිස්ථානය 126 ක්, බංගලාදේශය 160 ක්, ඇෆ්ගනිස්ථානය 182 ක්, ඉන්දියාව 334 ක්, මාලදිවයින 442 ක්, සහ ශ්‍රි ලංකාවේ 664 ක්  බව එම වාර්තාවේ සඳහන්වේ.

ඊට අමතරව හිටපු සෞඛ්‍ය ඇමැතිවරයා පෙන්වා දුන්නේ මේ වන විට රජයේ රෝහල් වල සර්ප විෂට ගන්නා බෙහෙත්, ඒඩ්ස් රෝගීන් සඳහා දෙන බෙහෙත් වර්ග පහක්, හෘද රෝගීන් සඳහා වන බෙහෙත් වර්ගයක්, ස්නායු රෝග සදහා වන බෙහෙත් වර්ග තුනක්, පිළිකා රෝගීන් වෙනුවෙන් වූ බෙහෙත් වර්ග පහක්, මුත්‍රා රෝග වෙනුවෙන් වන බෙහෙත් වර්ග තුනක්, ප්‍රති විෂ, ප්‍රති ජිවක, නිර්වින්දක ඇතුළු අත්‍යාවශ්‍ය ජීවිතාරක්ෂක ඖෂධ නොමැති බවය.


''සෞඛ්‍ය සේවාවේ මුදල් කප්පාදුවත් සමඟ ඉදිරියේදී උග්‍ර බෙහෙත් හිඟයක් ඇති වෙනවා,''යැයි ඔහු අනතුරු අඟවයි. 

THE  LEADER  TV
 
 
ගොංකම කියන්නෙ පුපුරණ එකක් ! | මොණරවිලගේ ලියමන
 

 
 
රත්තරන් හොරා කෑ ඇමතිගේ ගෝලයා!
 

subscribeYT

subscribeYT

subscribeYT

WhatsApp Image 2021 09 13 at 13.49.58

නවතම පුවත්