හිරු බැස යන දසුනත් සමග නැග එන සඳ එළියෙන් දිලිසෙන සෙන් ගංගාවේ පැවැත්වෙන ප්‍රභාමත් පැරිස් ඔලිම්පික් සමාරම්භක උළෙලේ සම්පූර්ණ
කාලය පැය හතරකට ආසන්න වනු ඇතැයි පැවසෙනවා.
නියෝජිතයින් 205 දෙනෙක් සෙන් නදියේ පෙරට්ටුවේ යනු ඇත්තේ බෝට්ටු 80කින්. නැගෙනහිර සිට බස්නාහිරටත්, පාලමෙන් පාලමටත්, Pont d’Austerlitz සිට Pont d’lena දක්වා කිලෝමීටර් හයක දුරක් (සැතපුම් 3.7) උත්සවය පාවී යාමටයි නියමිත.
දේශීය වේලාවෙන් පස්වරු 3.45 ට ආරම්භ වන උත්සවයේ වැඩකටයුතු පස්වරු 11.15 ට අවසන් වන්නේ කලාත්මක රංගනයන් මලල ක්‍රීඩක පෙළපාළියට කළින් පැවැත්වෙමින්.
නියෝජිතයින් 205 දෙනෙක් සෙන් නදියේ පෙරට්ටුවේ යනු ඇත්තේ බෝට්ටු 80කින්. නැගෙනහිර සිට බස්නාහිරටත්, පාලමෙන් පාලමටත්, Pont d’Austerlitz සිට Pont d’lena දක්වා කිලෝමීටර් හයක දුරක් (සැතපුම් 3.7) උත්සවය පාවී යාමටයි නියමිත.
දේශීය වේලාවෙන් පස්වරු 3.45 ට ආරම්භ වන උත්සවයේ වැඩකටයුතු පස්වරු 11.15 ට අවසන් වන්නේ කලාත්මක රංගනයන් මලල ක්‍රීඩක පෙළපාළියට කළින් පැවැත්වෙමින්.
ඔලිම්පික් ක්‍රීඩක ක්‍රීඩිකාවන් පෙළපාළියේ යන්නේ සෙන් නදියේ ඉහළ සහ පහළ ඉවුරු දිගේ ආරක්ෂක මුර වළල්ලෙන් පිටුපසට වී සිටින 320,000ක් පමණ පිරිසක් පසුකරමින්. අනෙක් ක්‍රීඩා ලෝලීන් මේ විචිත්‍රවත් උළෙල නරඹනු ඇත්තේ දැවැන්ත දර්ශන තිරවලින්.
එක සන්ධ්‍යාවක් වෙනුවෙන් සෙන් ගංගාව යෝධ විවෘත උත්සවයකට පරිවර්තනය වනු ඇතැයි පැරිස් ඔලිම්පික් උත්සවයන්හි අධ්‍යක්ෂ Marie-Catherine Ettori ප්‍රකාශ කරනවා.
එක සන්ධ්‍යාවක් වෙනුවෙන් සෙන් ගංගාව යෝධ විවෘත උත්සවයකට පරිවර්තනය වනු ඇතැයි පැරිස් ඔලිම්පික් උත්සවයන්හි අධ්‍යක්ෂ Marie-Catherine Ettori ප්‍රකාශ කරනවා.
ඔලිම්පික් ක්‍රීඩක ක්‍රීඩිකාවන් 10,500 දෙනා ඔවුන්ගේ බෝට්ටුවලින් පිටට බැසීමෙන් පසු, සමාරම්භක උත්සවයේ අවසාන කොටස පැවැත්වෙනු ඇත්තේ උඩින් සිට බලන විට අයිෆල් කුළුන දර්ශනය වන Trocadero Plaza හි දී.
මෙවැනි අද්විතීය දෙයක් දැක ගැනීමේ අපේක්ෂාව මධ්‍යයේ, ජූලි 26 වැනිදා පැවැත්වෙන සමාරම්භක උත්සවයේ ආරක්ෂාව වටා චංචල බවක් ඇතිව තිබෙනවා.
රුසියානු රංග ශාලාවකට මාරක ප්‍රහාරයක් එල්ල වීම හා ඉස්ලාමීය ප්‍රාන්ත ත්‍රස්තවාදීන් එහි වගකීම බාර ගැනීමෙන් පසුව ප්‍රංශය ඔවුන්ගේ ආරක්ෂක සූදානම ඉහළ ම තලයට පසුගිය මාසයේදී ගෙන ආවා.
ආරක්ෂාවේ අනතුර ඉහළ මට්ටමකට පිවිසියහොත්, සෙන් ගං ඉවුරට ලෝක නායකයින් 100ක් පැමිණෙනු ඇතැයි අපේක්ෂිත පෙර නොවූ විරූ එළිමහන් සමාරම්භක උත්සවය අකමැත්තෙන් වුවද වඩාත් සම්ප්‍රදායානුකූල උත්සවයක් සඳහා රටේ ජාතික ක්‍රීඩාංගණය වන Stade de France වෙත ගෙන යාමට සිදුවන බව ප්‍රංශ ජනාධිපති Emmanuel Macron ඉතා මෑතකදී ප්‍රකාශ කළා.
ජනාධිපතිවරයා කී දෙය ප්‍රශ්න නොකරමින්, ප්‍රංශයේ ක්‍රීඩා ඇමති Amelie Oudea-Castera සහ අනෙකුත් අය සිටින්නේ උත්සවය සෙන් ගංගාවේ ම පැවැත්වීමට හැකි වනු ඇති බවට සර්වභුභවාදීව.
සටහන :
(වර්නන් ගුණසේකර)ජ්‍යෙෂ්ඨ මාධ්‍යවේදී
