කාන්තා එක්දින ලෝක කුසලානයේ ශ්රී ලංකාව සහ ඔස්ට්රේලියාව අතර තරගය අයහපත් කාලගුණ තත්ත්වය හේතුවෙන්
තරඟය අතහැර දැමීමට තරග තීරක ජී. එස්. ලක්ෂමී සහ විනිසුරුවරියෝ තීරණය කළහ.
පස්වරු 3.00ට කොළඹ ආර්. ප්රේමදාස ක්රිකට් ක්රීඩාංගණයේදී තරගය ආරම්භ කිරීමට නියමිතව තිබුණි.
කෙසේ වෙතත් දිගින් දිගටම ඇදහැලුණු වර්ශාව හේතුවෙන් පස්වරු 5.30 වන විටත් තරගය ආරම්භ කිරීමට නොහැකි විය.
ඒ අනුව, එකම පන්දුවක් හෝ නොයවා තරගය අතහැර දමන ලද බැවින් දෙපිලටම ප්රසාද ලකුණු 01 ක් බැගින් හිමිවිය.
අද හිමිවූ ප්රසාද ලකුණත් සමගින් ශ්රී ලංකා කාන්තා කණ්ඩායම ප්රසාද ලකුණු පුවරුවේ පස්වැනි ස්ථානයට පැමිණියේය.
තරගාවලියේ ශ්රී ලංකා කණ්ඩායම මුහුණදෙන දෙවන තරගය මෙය වන අතර පළමු තරගයේදී ඔවුන් ඉන්දීය කාන්තා කණ්ඩායම හමුවේ පරාජයට පත් වුණි.
ඔස්ට්රේලියානු කාන්තා කණ්ඩායම ඔවුන් මුහුණදුන් පළමු තරගයේදී නවසීලන්ත කාන්තා කණ්ඩායම පරදා ලකුණු 89ක ජයක් හිමිකර ගත්තාය.
ඔස්ට්රේලියා කාන්තා කණ්ඩායම අවස්ථා 7කදී එක්දින ක්රිකට් ලෝක කුසලානය දිනා තිබේ.
අවසන් වරට පැවති ලෝක කුසලාන කාන්තා ක්රිකට් තරගාවලියද ජයගෙන තිබෙන්නේ ඔස්ට්රේලියාවයි.
