ටෙස්ට් ක්රිකට් තරග දෙකක් සඳහා ලබන අගෝස්තුවේ ශ්රී ලංකාව ට පැමිණෙන ඉන්දියා ක්රිකට් කණ්ඩායම එම සංචාරයේදී
ටෙස්ට් තරගමාලාවට අමතරව ජාත්යන්තර විස්සයි20 තරග දෙකක් ක්රීඩා කිරීමට එකඟ වී තිබෙනවා.
ඩිට්වා කුණාටුවෙන් පීඩාවට පත් ශ්රී ලංකා ජනතාවගේ සුබ සිද්ධිය වෙනුවෙන් මුදල් රැස්කිරීම පිණිස මේ තරග දෙක පැවැත්වෙනු ඇතැයි ශ්රී ලංකා ක්රිකට් ආයතනයේ සභාපති ශම්මි සිල්වා මහතා ප්රකාශ කරනවා.
සුළිසුළඟෙන් විපතට පත්වූ ජනතාවගේ සුබ සාධන කටයුතුවලට මුදල් රැස් කිරීමේ අරමුණින් මේ තරග දෙක පැවැත්වීමට කළින් සැලසුම් කර තිබුනේ දෙසැම්බර් 27 හා 29 යන දිනවල බවත් නමුත් එම තරගවලින් උපරිම අදායම් ඵල නෙලා ගැනීමට හැකිවන පරිදි ඒවා සංවිධානය කිරීමට කල් නොතිබුණු බැවින් එම තරග මෙසේ කල්දැමීමට සිදුවූ බවත් ශම්මි සිල්වා මහතා ඊයේ ශ්රී ලංකා ක්රිකට් ආයතනයේ පැවති මාධ්ය හමුවේදී අනාවරණය කළා.
ඩිට්වා කුණාටුවෙන් ශ්රී ලංකාව ට අමෙරිකානු ඩොලර් බිලියන 1.6ක අලාභහානී සිදුවූ අතර පුද්ගලයින් 600කට ජීවිත අහිමි වුණා.
නව සැලසුම් යටතේ 2026 අගෝස්තු මාසයට යෙදෙන ඉන්දියා ක්රිකට් කණ්ඩායමේ ශ්රී ලංකා සංචාරය ටෙස්ට් තරග දෙකක් හා ජාත්යන්තර විස්සයි20 තරග දෙකකින් සමන්විත වනවා.
මේ අතර, ලබන සතියේ දඹුල්ලේ පැවැත්වෙන ශ්රී ලංකා - පාකිස්තාන ජාත්යන්තර විස්සයි20 තරග තුනෙන් ලැබෙන ආදායම ඩිට්වා සුළිසුළඟින් ශ්රී ලංකාව යළි නැගිටීමේ අරමුදලට පරිත්යාග කරන බව ද ශ්රී ලංකා ක්රිකට් සභාපතිවරයා වැඩිදුරටත් සඳහන් කළා.
(සටහන : වර්නන් ගුණසේකර)
ජ්යෙෂ්ඨ මාධ්යවේදී
