ටැංකි තුනක ගබඩා කළ අතර ඒවා මාස 16ක් එම ටැංකි තුළ තබා ගැනීමෙන් මෙට්‍රික් ටොන් 655ක් වාෂ්ප වූ බව ද එවක ඉන්ධන ලීටරයක මිල 311 ක් වූ අතර තමන් අපරාධ පරීක්ෂණ දෙපාර්තමේන්තුවට ඒ සම්බන්ධයෙන් පැමිණිලි කිරීමෙන් පසු එම ඉන්ධන ලීටරය රුපියල් 292ට අලෙවි කිරීමෙන් ඇමැතිවරයා තෙල් සංස්ථාවේ සභාපති හා නිලධාරින් විසින් රටට කෝටි 64ක්ට වැඩි පාඩුවක් සිදු කළ බව ද ඉන්ධන මිල සම්බන්ධයෙන් පසුගිය දිනෙක ජනාධිපතිවරයා කළ ප්‍රකාශය පිළිබඳව අදහස් දැක්වූ සමගි එකාබද්ධ වෘත්තිය සමිති බලවේගයේ මාධ්‍ය ප්‍රකාශක ආනන්ද පාලිත ප්‍රකාශ කළේය.
“එවක ප්‍රිමියම් එක තිබුණේ ඩොලර් 4.8යි. ඒක දෙන්න බැහැ කියලා ඉරාන ඇමෙරිකා යුද්ධය පෙන්වා ගසාකෑමේ සූත්‍රයට ගියා. දින 27කට ඩීසල්, දින 30කට පෙට්‍රල් ද දින 44කට බොරතෙල් ද සතුව තිබියදී මාර්තු 9 දින ඉන්ධන මිල ඉහළ දැම්මා. එය යළි මාර්තු 21 වැඩි කළා. මෙතන තමයි වංචාවක් සිදු වුණේ. ආණ්ඩුවට සත පහකින්වත් ඉන්ධන වැඩි කිරීම අයිතියක් නැහැ” යනුවෙන් සඳහන් කළේය.
ඩීසල් ලීටරයක සැබෑ මිල රුපියල් 720ක් වුව ද, දැනට එය රුපියල් 392කට ලබා දෙන බවත්, එහිදී රජය සෑම ලීටරයකටම රුපියල් 100ක සෘජු වැය බරක් දරන බවටත් එවැනි සහන පැවතිය ද තෙල් සංස්ථාව තවදුරටත් පාඩු ලබන අතර, එම පාඩුව භාණ්ඩාගාරයට විශාල බරක් වී ඇති බවත් ජනාධිපතිවරයා සඳහන් කර තිබේ.
තෙල් සංස්ථාව සතුව පැවති රුපියල් බිලියන 84ක පාඩුව දැනටමත් භාණ්ඩාගාරයට පවරාගෙන ඇති බැවින්, දිගින් දිගටම මෙලෙස මුදල් ලබාදීම කළ නොහැකි බවත්, ආයතන කාර්යක්ෂම විය යුතු බවත් ජනාධිපතිවරයා එම අවස්ථාවේ සඳහන් කර තිබේ.
(lankalokaya | ප්‍රියන්ජන් සුරේෂ් ද සිල්වා)
