ජනනය සම්බන්ධ විශේෂ ජනාධිපති පරීක්ෂණ කොමිෂන් සභාවේ ලේකම් ඩී. වී. බන්දුලසේන ට ලිපියක් යවා ඇත
ඉකුත් 2009 වසරේ සිට මේ දක්වා සිදුවූ ගල් අඟුරු ගනුදෙනු සම්බන්ධයෙන් පරීක්ෂණය කිරීමට පත් කර ඇති මෙම කොමිෂන් සභාවට සිවිල් සමාජ සංවිධානයක් ලෙස තොරතුරු ඉදිරිපත් කිරීමට සූදානම් වන හෙයින් ඊට ප්‍රථම කොමිසමේ තොරතුරු ඉල්ලා සිටින බව 'ෆ්‍රී ලෝයර්ස්' සංවිධානය පවසයි
විමර්ශනයේදී කොමිෂන් සභාව මහජන විශ්වාසය, පාරදෘශ්‍යභාවය, ස්වාධීනත්වය සහ සාධාරණ ක්‍රියාපටිපාටිය ආරක්ෂා කරමින් කටයුතු කිරීම ඉතා වැදගත් බවද එම ලිපියෙහි සඳහන් කර ඇත
මේ අනුව කොමිෂන් සභාවේ නිල කාර්ය නියමයන් (Terms of Reference), කාර්ය පටිපාටිය (Rules of Procedure), විමර්ශන ක්‍රියාවලිය, නීතිඥ නියෝජනය, සාක්ෂිකරුවන්ගේ හිමිකම්, විභාග මහජන ප්‍රවේශය ඇතුළු කරුණු පිළිබඳව පැහැදිලි තොරතුරු ලබාදෙන්නැයි ඉල්ලීම් කර ඇත
ෆ්‍රී ලෝයර්ස් සංවිධානයේ විධායක නිලධාරී රජිත් කීර්ති තෙන්නකෝන් පැවසූවේ, කොමිෂන් සභාවේ විමර්ශනය සාධාරණව සහ විනිවිදභාවයෙන් යුතුව සිදුවිය යුතු බවයි. එවැනි විමර්ශනයකට සිවිල් සමාජයේ සහ නීතිඥවරුන්ගේ සහාය ලැබීම වැදගත් බව විශ්වාස කරන්නේ යයිද කීර්ති තෙන්නකෝන් පැවසීය.
කොමිෂන් සභාවේ ක්‍රියාපටිපාටිය පිළිබඳ පැහැදිලි අවබෝධයක් ලබාගෙන තොරතුරු සහ සාක්ෂි නිසි ආකාරයට ඉදිරිපත් කිරීමට අපේක්ෂා කරන බවද කීර්ති තෙන්නකෝන් කීය.
මෙම තොරතුරු දින 7ක් ඇතුළත ලබාදෙන ලෙස 'ෆ්‍රී ලෝයර්ස්' සංවිධානය ඉල්ලා ඇත.
(lankalokaya | අසේල පෙරේරා)
