කරන බවට විපක්ෂ නායක සජිත් ප්‍රේමදාස චෝදනා කරයි.
අද (15) තිස්සමහාරාම ශ්‍රී සුභද්‍රාරාම පුරාණ විහාරයේදී මාධ්‍ය වෙත අදහස් දක්වමින් ඒ මහතා කියා සිටියේ ජන සංඛ්‍යා ලේඛන දෙපාර්තමේන්තුව විසින් පුද්ගලයකුට මසකට රුපියල් 17,000කට ආසන්න මුදලකින් ජීවත් විය හැකි බවට පවසන දත්ත පදනම් විරහිත බවයි.
රුපියල දිනෙන් දින අවප්‍රමාණය වන තත්ත්වයක් තුළ මෙවැනි අවම මුදලකින් ආහාරපාන හා අනෙකුත් අවශ්‍යතා සපුරාගත නොහැකි බවත්, රටේ ජනගහනයෙන් 30-40%ක් පමණ සැබෑ ලෙසම දරිද්‍රතාවයෙන් පීඩා විඳින බවත් ඔහු පෙන්වා දුන්නේය.
රජය IMF කොන්දේසිවලට පමණක් යට නොවී ජනතාව කෙරෙහි මීට වඩා සංවේදී විය යුතු බව අවධාරණය කළ විපක්ෂ නායකවරයා, විශේෂයෙන් ඉන්ධන මත පනවා ඇති අධික බදු ඉවත් කර සහන ලබා දීමට කටයුතු කරන ලෙසත්, නිවැරදි දත්ත මත පදනම් වූ සාර්ව ආර්ථික ක්‍රමෝපායන් දියත් කරන ලෙසත් රජයෙන් ඉල්ලා සිටියේය.
