පිළිබඳව ජාතික ළමා ආරක්ෂක අධිකාරිය පූර්ණ අවධානය යොමු කර තිබේ.
මෙම සිදුවීම වාර්තා වූ දින සිට ඒ පිළිබඳව නියාමන කටයුතු සිදු කරන බවත්, ඉදිරියටද දැරියගේ අයිතිවාසිකම් ආරක්ෂා වන පරිදි සහ ඇයට යුක්තිය ඉටුවන පරිදි විමර්ශන කටයුතු සිදුවන්නේදැයි සොයා බලන බවත් එම අධිකාරිය අවධාරණය කරයි.
අවශ්‍ය ඕනෑම අවස්ථාවක ළමයාගේ උපරිම යහපත වෙනුවෙන් සුදුසු පියවර ගැනීමට සූදානම් බව ජාතික ළමා ආරක්ෂක අධිකාරියේ සැලසුම් හා තොරතුරු අධ්‍යක්ෂ ශානිකා මලල්ගොඩ සඳහන් කරයි.
විශේෂයෙන්ම මෙම සිදුවීම සම්බන්ධයෙන් කටයුතු කිරීමේදී අධිකාරිය වෙත කිසිදු පාර්ශවයකින් බලපෑමක් එල්ල වී නොමැති අතර, විමර්ශන කටයුතු නිසි පරිදි නියාමනය කිරීමට ඉදිරි පියවර ගන්නා බවද එම නිවේදනයේ දැක්වේ.
එබැවින් මේ සම්බන්ධයෙන් පුරවැසියන් කිසිදු අනියත බියක් හෝ මහජන කැළඹීමක් ඇති කර ගැනීමට හේතුවක් නොමැති බව පෙන්වා දෙන අධිකාරිය, අනවශ්‍ය ලෙස මහජන කැළඹීමක් ඇති වුවහොත් එමගින් යුක්තිය පසිඳලීමේ ක්‍රියාවලියට බාධාවක් විය හැකි බවටද අනතුරු අඟවයි.
මේ වන විට වින්දිත දැරිය විශේෂ රැකවරණ මධ්‍යස්ථානයක ඉතාම සුරක්ෂිතව රඳවා ඇයගේ ආරක්ෂාව තහවුරු කර ඇති බව ජාතික ළමා ආරක්ෂක අධිකාරිය දැනුම් දෙයි. ළමුන්ට සියළු ආකාරයේ හිංසනයන්ගෙන් ආරක්ෂා වීමට ඇති අයිතිය තහවුරු කිරීම සැමගේ වගකීමක් බවද එම නිවේදනයේ වැඩිදුරටත් සඳහන් වේ.
