ආරක්ෂක අමාත්‍යවරයාගේ නියෝග මත 2026 මැයි 15 දිනැති අතිවිශේෂ ගැසට් පත්‍රය හරහා "2026 ආරක්ෂක මාණ්ඩලික ප්‍රධානී පනත ඉවත් කිරීමේ පනත" නිකුත් කර ඇත.
මෙමගින් 2009 අංක 35 දරණ පනත අවලංගු කර, ආරක්ෂක මාණ්ඩලික ප්‍රධානී ධූරය අහෝසි කිරීමට සහ අදාළ දේපළ ආරක්ෂක අමාත්‍යාංශය යටතට ගැනීමට යෝජනා කර ඇත.
වත්මන් ආරක්ෂක අමාත්‍යවරයාගේ කැබිනට් යෝජනාවක් මත මෙම පියවර ගෙන ඇති අතර, ඉදිරියේදී මෙය පාර්ලිමේන්තුවට ඉදිරිපත් කිරීමට නියමිතය.
නව පනත ක්‍රියාත්මක වීම ආරම්භ වන දිනයේ සිට ආරක්ෂක මාණ්ඩලික ප්‍රධානී ධූරය දැරීම අවසන් කරනු ලැබිය යුතු බවත් එම ධූරය දරන නිලධාරියා අදාළ සන්නද්ධ හමුදාවල ඔහු අයත් සේවයට අනුයුක්ත කිරීම කළයුතු බවත් අදාල ගැසට් නිවේදනයේ දැක්වේ.
