ඒවා ඉදිරිපත් කළ යුතු බව අල්ලස් හෝ දූෂණ චෝදනා විමර්ශන කොමිෂන් සභාව නිල වශයෙන් අවධාරණය කර ඇත.
මෙවර වත්කම් ප්‍රකාශ ඉදිරිපත් කිරීමේ ක්‍රියාවලිය සම්බන්ධයෙන් වන ප්‍රධානතම කරුණු පහත පරිදි වේ:
පූර්ණ ඩිජිටල් (Digital) ක්‍රමවේදය පමණයි
මාර්ගගතව (Online) පමණි:
* වත්කම් හා බැරකම් ප්‍රකාශ ලබාදිය යුත්තේ ඩිජිටල් ක්‍රමවේදය ඔස්සේ පමණක් බව ද කොමිසම සඳහන් කරයි.
* මෙතෙක් පැවති මුද්‍රිත ආකෘති පත්‍ර (Printed forms) පිරවීමේ ක්‍රමය සම්පූර්ණයෙන්ම අහෝසි කර ඇත.
නිල පද්ධතිය:
ප්‍රකාශ ඉදිරිපත් කළ යුත්තේ CIABOC වත්කම් බැරකම් ප්‍රකාශ කිරීමේ ද්වාරය (e-Assets Portal) හරහා පමණි.
ඇතුළත් කළ යුතු තොරතුරු:
ප්‍රකාශකයාගේ වත්කම්වලට අමතරව කලත්‍රයා (Spouse), දරුවන් සහ යැපෙන්නන්ගේ තොරතුරු ද මෙයට ඇතුළත් කළ යුතුය.
නීතිමය පියවර සහ දඬුවම් :
දුෂණ විරෝධී පනත:
2023 අංක 9 දරන දූෂණ විරෝධී පනතේ නව නීතිමය රාමුව යටතේ මෙම නීති ක්‍රියාත්මක වේ.
ප්‍රමාද ගාස්තු සහ දඬුවම්:
ජූනි 30 දිනට පසුව (සහ ලබා දී ඇති සහන කාලය ඉක්මවූ පසු) ප්‍රකාශ ඉදිරිපත් කරන නිලධාරීන්ට දෛනික හිඟ මුදල් පැනවීම් හෝ වැටුප් කපා හැරීම් වැනි මූල්‍ය දඬුවම්වලට මුහුණ දීමට සිදු වේ.
වැරදි තොරතුරු සැපයීම:
පද්ධතිය සතු සත්‍යායන (Verification) මෙවලම් මඟින් සාවද්‍ය තොරතුරු සහ අසාමාන්‍ය වත්කම් රැස් කිරීම් ස්වයංක්‍රීයව හඳුනා ගැනේ.
ජුනි මස අවසාන දිනවල දී පද්ධතියට එකවර විශාල පිරිසක් පිවිසීමෙන් ඇති විය හැකි තදබදය (System congestion) මඟහරවා ගැනීම සඳහා, අවසන් මොහොත වන තෙක් නොසිට හැකි ඉක්මනින් ලියාපදිංචි වී වත්කම් ප්‍රකාශ ඇතුළත් කරන ලෙස අල්ලස් කොමිසම රාජ්‍ය නිලධාරීන්ගෙන් ඉල්ලා සිටී.
