ත්‍රස්ත පනත යටතේ අත් අඩංගුවට ගෙන අවුරුද්දකට වැඩි කාලයක් තිස්සේ රඳවා තබාගැනීමෙන් පසු සිරගත කරන ලද ගුරුවරයකු හා කවියකු වන
අහ්නාෆ් ජසීම් මුණ ගැසීමට ඔහුගේ මවට වසරකට අවස්ථාව හිමිවී ඇත්තේ වැඩි කාලයක් ගතවීමෙන් පසුවය.
කිවියර අහ්නාෆ් ජසීම් මුණ ගැසී කතාකිරීමට 2020 වසරේ සැප්තැම්බර් මාසයෙන් පසු ඔහුගේ මවට යලි අවස්ථාව ලැබී ඇත්තේ 2021 ඔක්තෝබර් 9 දාය. ඒ කතාබහ ද, විනාඩි දහයකට පමනකි.
සාතිශය වැදගත් මානුෂික සබඳතාවක් වන එම කතාබහ විනාඩි කීපයකට පමණක් සීමා කරමින් මහත් අමානුෂික සැලකිල්ලකට පෙරලන ලද බව අහ්නාෆ් ජසීම්ගේ නීතිඥ සංජය විල්සන් ජයසේකර පවසයි.
සිරකරුවන් සහ ඔවුන් බැලිමට පැමිණ පිරිස දැලකින් වෙන් කොට තැබීම නිසා සිරකරුවන්ගේ මුහුණ හෝ නිසි පරිදි දැක ගැනීමට අවස්ථාව නොලැබෙන බවයි නීතිඥ වරයා වැඩි දුරටත් පවසන්නේ.
මන්නාරමුදු අහ්නාෆ් නමින් දෙමළ පාඨක ප්‍රජාව අතර ප්‍රකට අහ්නාෆ් ජසීම් ත්‍රස්ත මර්දන හා විමර්ශන කොට්ඨාශය (CTID) විසින් අත් අඩංගුවට ගන්නා ලද්දේ 2017 දී ලියා පලකළ නවරසම් (நவரசம்) පද්‍ය සංග්‍රහය ගැන සහ සිය ශිෂ්‍යයන් ‘අන්තවාදී මතවාදවල’ අනුගාමිකයන් බවට පත් කිරීමේ අභිලාෂයෙන් ඔවුන් ‘අන්තවාදී’ කරුණුවලට නිරාවරණය කළ බවට චෝදනා කරමිනි.
2020 මැයි 16 දා අත් අඩංගුවට ගෙන වසරකට වැඩි කාලයක් ත්‍රස්ත මර්දන හා විමර්ශන කොට්ඨාශය මගින් රඳවාගෙන සිටි ඔහු පසුගිය ජුනි මාසයේ අධිකරණයට ඉදිරිපත් කිරීමෙන් පසු රිමාන්ඩ් කර තිබුනි.
රැඳවියන් බැලීමට අවසර
බන්ධනාගාරගත රැඳවියන් බැලීම සඳහා අමුත්තන්ට ඔක්තෝබර් 4 වැනිදා සිට යළි අවසර හිමිවිය.
රට පුරා ව්‍යාප්ත වු කොවිඩ් වසංගතය හේතුවෙන් පසුගිය අගෝස්තු 07 වැනිදා සිට බන්ධනාගාරගත රැඳවියන්ට පිටතින් පැමිණෙන ඥාතීන් හමුවීමට අවස්ථාව නතර කර තිබුනි.
බන්ධනාගාර මාධ්‍ය ප්‍රකාශක චන්දන ඒකනායක සඳහන් කරන්නේ, සිරකරුවන් සඳහා මාසයකට එක් වරක් අමුත්තන් හමුවීමට අවස්ථාව හිමි වන බවය.
සැකකරුවන් සඳහා අමුත්තන් හමුවීමට සතියකට එක් වරක් අවස්ථාව ලබා දී තිබේ.
කෙසේවෙතත් හැකිතාක් දුරට E-visit නම් මාර්ගගත ක්‍රමය හරහා අමුතන් බැලීම සිදු කරන්නැයි බන්ධනාගාර දෙපාර්තමේන්තුව දැනුම් දී තිබේ
සබැඳි පුවත් :
THE LEADER TV
අඩු අත්දැකීම්වලට ඥාණාගේ නුවන ?
ජනපති - ශවේන්ද්‍ර කොටවන මෙහෙයුමක් !
