කන්සවේටිව් නායක ෆ්රෙඩ්රික් මර්ස්
යුරෝපා කලාපයට අතිශය තීරණාත්මක ජර්මනියේ අනාගත නායකයා තීරණය කිරීමේ මැතිවරණය ඊයේ (23) පැවති අතර එහිදී කන්සවේටිව් පක්ෂය ජයගෙන තිබේ.
ඒ අනුව 69 හැවිරිදි කන්සවේටිව් නායක ෆ්රෙඩ්රික් මර්ස් ජර්මනියේ මීළඟ චාන්සලර්වරයා ලෙස පත්ව ඇති බව විදෙස් මාධ්ය වාර්තා කළේය.
ඉදිරිවසර 4ක කාලය තුළ ජර්මනිය මුහුණ දී සිටින ගැටලු සියල්ල විසදීම සඳහා තමා කැපවන බව මැතිවරණ ප්රචාරක කටයුතුවලදී ඔහු සඳහන් කළේය.
මර්ස් ජයග්රහණය කළද රජයක් පිහිටුවීම සඳහා ඔහුට වෙනත් පක්ෂයක සහාය ලබා ගැනීමට සිදුවනු ඇති බවට දේශපාලන විශ්ලේෂකයින් මත පළ කරති.
වර්තමානයේ ජර්මානු චාන්සලර්වරයා ලෙස කටයුතු කරන ඔලාෆ් ෂෝල්ස්ගේ සමාජ ප්රජාතන්ත්රවාදී රජය පසුගිය වසර අගභාගයේදී බෙදීමට ලක්විය.
මෙම මැතිවරණය සඳහා මිලියන 60කට ආසන්න ඡන්ද දායකයින් ප්රමාණයක් සුදුසුකම් ලබා තිබුණි.
