'නොසැලුණු නොනැමුණු ලසන්ත' කෘතිය එළිදැක්වීම සහ “And Then They Came for Me” වාර්තා චිත්රපට දැක්ම සැප්තැම්බර් 25 වැනිදා ජාතික චිත්රපට සංස්ථාවේදී.
ලසන්ත වික්රමතුංගගේ නොමැකෙන මතකය සහ අසීරු සත්යය හෘදසාක්ෂිය හමුවේ යළි ප්රශ්න කරන විශේෂ සැඳෑවක්.
ඝාතනයෙන් වසර ගණනාවක් ගත වුවද මෙරට මාධ්ය නිදහසේ සහ සාධාරණත්වයේ නොමැකෙන සංකේතයක් වූ ජ්යෙෂ්ඨ මාධ්යවේදී ලසන්ත වික්රමතුංගගේ මතකය යළි අවදි කරමින්, රේන් වික්රමතුංග ලියූ කෘතියේ සිංහල පරිවර්තනය වන ‘නොසැලුණු නොනැමුණු ලසන්ත’ සහ “And Then They Came for Me” වාර්තා චිත්රපටය සැප්තැම්බර් 25 වැනිදා සවස ජාතික චිත්රපට සංස්ථාවේ තරංගනී ශාලාවේදී එළිදැක්වීමට නියමිතය.
ලසන්ත…
නොපියවුණු දෑසක්.
ළගන්නා සිනාවක්.
අදටත් අප අතර දෝංකාර දෙන
එකම ප්රශ්නයක්!
“මොකක්ද තත්ත්වෙ?”
නිකම්ම භේද වීමෙන් ඵලක් නැත.
වැදගත් වන්නේ,
තමා විශ්වාස කළ අදහසක් වෙනුවෙන්
භේද වීමට තරම් අවංක වීමය.
තමන් වෙත එන අඳුර දැන සිටියද,
තමන්ගේ ඉරණමට වඩා
අනෙකාගේ අසාධාරණය ගැන තැවුණු මිනිසෙකි ඔහු.
ඔහුගේ හඬ නිහඬ කළහ.
ඔහුගේ දෑස පියවූහ.
එහෙත් සත්යය නිහඬ නොවීය.
ඔහු ඇසූ ප්රශ්නයට අදටද පිළිතුරු ලැබී නැත.
සමහර මිනිසුන් මිය ගිය පසු
මතකයක් වෙති.
සමහර මිනිසුන් මිය ගිය පසු
වගකීමක් වෙති.
ලසන්ත, ඔබ අපට ඉතිරි කළේ එවැනි වගකීමකි.
එබැවින්,
ඔබ ඇසූ ප්රශ්නය සමඟ මොහොතක් නතර වී,
අපගේ හෘදසාක්ෂිය සමඟ
එදා අපි එකට සිටිමු.
රේන් වික්රමතුංග විසින් රචිත Unbowed & Unafraid කෘතියේ සිංහල පරිවර්තනය කසුන් පුස්සෙවෙල විසිනි.
නොසැලුණු නොනැමුණු
ලසන්ත
කෘතිය එළිදැක්වීම හා සමගාමීව
“And Then They Came for Me”
වාර්තා චිත්රපටය ප්රදර්ශනය කෙරේ.
සැප්තැම්බර් 25 වැනිදා
සවස 3.00ට
ජාතික චිත්රපට සංස්ථාවේ තරංගනී ශාලාවේදී
ලසන්ත සමඟ දවසරින්ට එන්න.
ඔහු ඇසූ ප්රශ්නයට
තවමත් පිළිතුරක් සොයන
අපේ හෘදසාක්ෂිය සමඟ.
“මොකක්ද තත්ත්වෙ?”
නොසැලුණු නොනැමුණු
ලසන්ත
කෘතිය,
'සයුර' ප්රකාශනයක්.
