දෙමළ, තෙළිඟු සහ කන්නඩ චිත්රපට 200කට අධික සංඛ්යාවක රඟපෑ ජනප්රිය නිළි බී සරෝජා දේවි අද (14) බැංගලෝර්හිදී අභාවප්රාප්ත වී ඇත.
මියයන විට ඇය 87 හැවිරිදි වියේ පසුවුවා ය.
රෝගාබාධ හේතුවෙන් මල්ලේශ්වරම් හි පිහිටි ඇගේ නිවසේදී මිය ගිය බව විදෙස් මාධ්ය වාර්තා කරයි.
ඇය 1938 දී උපත ලැබූ අතර ඇගේ මුල් නම රාධා දේවි විය.
1955 දී කන්නඩ චිත්රපටයක් වන 'මහකවි කාලිදාස්' හි රංගනයට පිවිසීමෙන් පසු, ඇය සුපිරි තරු MGR, NTR සහ සිවාජි ගනේසන් සමග රංගනයෙන් දායක වී තිබේ.
MGR-සරෝජා දේවි තමිල්නාඩුවේ ජනප්රිය යුවළක් ලෙස සලකනු ලැබූ අතර, ඔවුන් එක්ව කළ චිත්රපට 26න් බොහොමයක් සුපිරි ජනප්රිය වී ඇත..
සිවාජි ගනේෂන් සමග ඇය චිත්රපට 22ක රඟපා තිබේ.
සරෝජා දේවිගේ අවසන් චිත්රපටය 2009 දී සූර්යා සමග රඟපෑ ආධවන් චිත්රපටයයි.
ඇය පද්මශ්රී සහ පමා භූෂණ සම්මාන වලින් පිදුම් ලබා ඇති අතර, 2008 දී මධ්යම රජය ඇයට ජීවිත කාලය පුරාම සම්මානයක් පිරිනමා තිබිණ.
ඇයගේ දේහය පිලිබඳ අවසන් කටයුතු බැංගලෝර්හිදී සිදු කිරීමට නියමිතය.
