ඉන්දියාවේ ධනවත්ම ප්රාන්තය වන මහාරාෂ්ට්රයේ නියෝජ්ය මහ ඇමති, අජිට් පවර් අතුළු සිව් දෙනෙක් අද (28) ගුවන් යානා අනතුරකින් ජීවිතක්ෂයට පත් වූහ.
ඔවුන් රැගත් කුලී ගුවන් යානය ගිනි ගෙන විනාශ වූ බව වාර්තා වේ.
පවර්, එරට ඉහළ පෙළ දේශපාලන පවුල් පසුබිමකින් පවත එන්නෙකි. ඔහු මැතිවරණ ව්යාපාරය පිණිස, ගුවන් මගින් සිය ගම් පියස බලා පියාසර කරමින් සිටියදී එම අනතුර සිදු විය.
යානය තුළ ඔහුගේ කාර්ය මණ්ඩලයේ දෙදෙනෙක් සහ ගුවන් කාර්ය මණ්ඩලයේ දෙදෙනෙක් වූ බව, එරට සිවිල් ගුවන් සේවා අධ්යක්ෂ ජෙනරාල් කාර්යාලය පැවසීය. අනතුරින් කිසිවකුත් දිවි ගලවා නැත.
නියෝජ්ය මහාමාත්යවරයා, අග්රාමාත්ය නරේන්ද්ර මෝදි ගේ ප්රබල ආධාරකරුවෙක් ද වේ.
ගුවන් යානය විවෘත බිම් ප්රදේශයකට කඩා වැටී ගිනි ගෙන දැවෙනයුර දැක්වෙන රූප රාමු මාධ්යයේ විකාශය කෙරිණි.
මුම්බායි සිට ගුවන් ගත වූ එම යානය නියෝජ්ය මහාමාත්යවරයාගේ ගම් පියස වන බරමතී ආසන්නයේ හදිසි ගොඩබැස්වීමකට සූදානම් වන අවස්ථාවේ එම අනතුර සිදුව ඇත.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්රය :
Air charter crash in India's Maharashtra kills key state leader
