ඉරානය සමග සාකච්ඡා කිරීමට අපේක්ෂා කරන බව එක්සත් ජනපද ජනපති, ඩොනල්ඩ් ට්රම්ප් ඊයේ (29) පැවසීය.
මේ අතර පෙන්ටගනය, මැද පෙරදිග කලාපය වෙත තවත් යුද නෞකාවක් පිටත් කළේය. ට්රම්ප් ජනපතිවරයාගේ ඕනෑම තීරණයකට අනුව වහා ක්රියාත්මක වීම පිණිස එම පියවර ගත් බව, පෙන්ටගන ප්රධානී පීට් හෙග්සෙත් පැවසීය.
ජනපතිවරයා මාධ්යවේදීන් ඇමතුවද එම සාකච්ඡා සඳහා වොෂින්ටනයෙන් සහභාගී වන්නේ කවුරුන්දැයි තවමත් අනාවරණය කර නැත.
"මම තාමත් ඒ ගැන හිතමින් ඉන්නේ. අපට මහ විශාල, ඒ වගේම බල සම්පන්න නැව් තියෙනවා. ඒවා මේ වේලාවේ ඉරානය බලා යාත්රා කරනවා. ඒවා පාවිච්චි කරන්න බැරි වුණොත් හොඳයි.!'' ඔහු කීවේය.
ජනපති ට්රම්ප් මේ මොහොතේ සුදුසුම විකල්පය විමර්ශනය කරමින් සිටින බව එම කාර්යාලය කියා සිටියේය.
"ඉරානය තවදුරටත් න්යෂ්ටික ශක්තීන් මත රඳා නොසිටිය යුතුයි. මේ ජනාධිපතිවරයා විසින් යුද දෙපාර්තමේන්තුව වෙත නිකුත් කෙරෙන ඕනෑම නියෝගයක් ක්රියාත්මක කිරීමට අප සූදානම්," හෙග්සෙත් පැවසීය.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්රය :
Trump says he plans to talk to Iran while Pentagon prepares for possible action
