පාකිස්ථානයේ ඉස්ලාමාබාද් අගනුවර මරාගෙන මැරෙන බෝම්බ ප්රහාරයක් එල්ල කෙරේ.
අද (6), ෂියිතේ මුස්ලිම් දේවස්ථානයක් වෙත එල්ල වූ එම ප්රහාරයෙන් පුද්ගලයින් 12 දෙනෙක් ජීවිතක්ෂයට පත්ව ඇතැයි වාර්තා වේ. බැතිමතුන්, සිකුරාදා යාඥාවේ යෙදෙන අවස්ථාවේ එම ප්රහාරය එල්ල කර තිබේ.
එම දේවස්ථානයේ බුමුතුරුණු මත මළ සිරුරු විසිරී ඇති අයුරු දැක්වෙන දර්ශන මුදා හැර ඇත. තුවාළකරුවන් රැසක් දේවස්ථාන පරිශ්රයේ වැතිරී සිටිනු ද එහි දැක්වේ. පුද්ගල මරණ සංඛ්යාව තවත් ඉහළ යා හැකි යැයි පොලිසිය සඳහන් කරයි.
මිලියන 241 ක බහුතර සුන්නි මුස්ලිම් ජනගහණයකින් යුත් පාකිස්ථානයේ, ෂියිතේ මුසල්මානුවන් සුළුතරයකි. ඔවුහු මිථ්යාදෘෂ්ටිකයින් බවට, සුන්නි සන්නද්ධ කණ්ඩායමක් වන ටෙහ්රීකේ තලිබාන් පාකිස්ථාන් සංවිධානයේ උදහසට ලක්ව සිටිති.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්රය :
Suicide bomber kills 31 in Shi'ite mosque in Pakistan's capital, officials say
