එක්සත් ජනපද ජනපති ඩොනල්ඩ් ට්රම්ප්, ඊයේ (11) වොෂින්ටනයේදී ඊශ්රායල අග්රාමාත්ය බෙන්ජමින් නෙතන්යාහු හමු විය.
අනතුරුව මාධ්ය වෙත අදහස් දැක්වූ ජනාධිපතිවරයා, ඉරාන ගැටලුව සම්බන්ධයෙන් ඊශ්රායලය සමග නිශ්චිත එකඟතාවක් නැතැයි ද, අර්බුදයට විසඳුමක් තිබේ දැයි සෙවීමට එක්සත් ජනපද - ඉරාන සාකච්ඡා තවදුරටත් ක්රියාත්මක බව ද පැවසීය.
පැය දෙකකුත් විනාඩි තිහකට අධික කාලයක් පැවති නායක දෙපළ අතර සාකච්ඡා මාධ්යයට විවෘත නොවීය. එක්සත් ජනපදය සහ ඉරානය අතර මීළඟ වටයේ සාකච්ඡා සඳහා බලපෑම් කිරීම ඊශ්රායල අග්රාමාත්යවරයාගේ එක්සත් ජනපද චාරිකාවේ මුඛ්ය අරමුණක් විය. එහෙත්, ඔහුගේ යෝජනා සහ මතය සම්බන්ධයෙන් ජනපති ට්රම්ප් ගේ පූර්ණ අනුගත වීමක් දක්නට නොලැබිණි.
දෙරට අතර එකඟතාවකට පැමිණීමට අපොහොසත් වුවහොත් ඉරානයට පහර දෙන බව ජනපති ට්රම්ප් විසින් තර්ජනය කර තිබේ. යම් හෙයකින් ප්රහාරයක් එල්ල වුවහොත් ප්රති ප්රහාර එල්ල කරන බව ඉරානය ද පවසයි. මේ වන විටත් මැද පෙරදිග කලාපයේ එක්සත් ජනපද හමුදා තර කර තිබේ.
ඉරානය සමග "හොඳ" ගනුදෙනුවක් යනු න්යෂ්ටික අවි සහ මිසයිල හරණය පමණක් බව ජනපති ට්රම්ප් අවධාරණය කරයි.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්රය :
Trump says no 'definitive' agreement with Netanyahu, US talks with Iran to continue
