එක්සත් ජනපද ජනපති ඩොනල්ඩ් ට්රම්ප්, ඉරානයට කොන්දේසි පනවන බවට සැකයක් නැතැයි, ඊශ්රායල අග්රාමාත්ය, බෙන්ජමින් නෙතන්යාහු ඊයේ (12) පැවසීය.
සන්නද්ධ ජයග්රහණය මග හැරීම එහි අරමුණ බව විශ්වාස කරන්නේයැයි ද හෙතෙම කියා සිටියේය. කෙසේ වුවත්, එළැඹෙන කිනම් එකඟතාවක වුව ඊශ්රායලයේ අභිප්රායයන් ඊට ඇතුලත් විය යුතු බව අග්රාමාත්ය නෙතන්යාහු අවධාරණය කළේය.
ඊශ්රායල අග්රාමාත්යවරයා බදාදා (11) වොෂින්ටනයේදී ජනපති ට්රම්ප් හමු විය. රාජ්ය නායක දෙපළ අතර සාකච්ඡා මාධ්යයට විවෘත නොවීය. එම හමුවෙන් අනතුරුව මාධ්ය වෙත අදහස් දැක්වූ ජනපති ට්රම්ප්, ඉරාන ගැටලුව සම්බන්ධයෙන් ඊශ්රායලය සමග නිශ්චිත එකඟතාවක් නැතැයි ද, අර්බුදයට විසඳුමක් තිබේ දැයි සෙවීමට එක්සත් ජනපද - ඉරාන සාකච්ඡා තව දුරටත් ක්රියාත්මක බව ද පැවසීය. ඉරානය සතුව න්යෂ්ටික අවි සහ මිසයිල නොපැවතියයුතු බව ද ඔහු කියා සිටියේය.
පසුගිය වසරේ ජනපති ධුරයේ වැඩ භාර ගැනීමෙන් අනතුරුව ජනපති ට්රම්ප්, සත් වන වරටත් ඊශ්රායල අග්රාමාත්යවරයා හමු වූ අවස්ථාව මෙය වේ.
"ජනපති ට්රම්ප්, ඉරානයට කොන්දේසි පනවන බවට විශ්වාසයි. කුමක් නිසාද යත්, පසු ගිය වර එවන් එකඟතාවකට නොපිවිසීමෙන් සිදුවූ දේ හොඳාකාරව ඔවුන් දන්නා නිසා. එය අත්වැරැද්දක්. ඒ සියලු උගත් පාඩම් තුළින් හොඳ ගනුදෙනුවකට යා හැකියි. ඉරානය දන්නාවා කා එක්කද මේ ගනුදෙනු කරන්නෙ කියලා," අග්රාමාත්ය නෙතන්යාහු එසේ පැවසීය.
එකඟතාවක් නොවේ නම්, ඉරානයට පහර දෙන බවට එක්සත් ජනපද ජනපතිවරයා තර්ජනය කරයි. ඉරානය ද ප්රතිප්රහාර එල්ල කිරීමට සූදානමින් සිටී.
(සටහන |Reuters ඇසුරින්; හර්ෂ උදයකාන්ත පීරිස්)
2/13/2026
(
මුලාශ්රය :
Israel's Netanyahu says Trump may be creating conditions for Iran deal
