ජිනීවා නුවර ඊයේ (17) ඉරානය සහ එක්සත් ජනපදය අතර පැවති සාකච්ඡා යම් තරමෙකින් සාර්ථක බව ඉරාන විදේශ අමාත්ය, අබ්බාස් අරඛ්චි පවසයි.
ඉරාන න්යෂ්ටික අර්බුදය පිලිබඳ මාර්දොපදේශක මූලධර්ම පදනම් කොට එම සාකච්ඡා පැවැත්විණි. කලාපීය යුද්ධයක් පිලිබඳ බිය පහව යාමේ ලකුණු මත ලෝක ඉන්ධන මිලද යම් ස්ථාවරත්වයකට පත්ව ඇත.
"එකිනෙකට පරස්පර මත රැසක් ඉදිරිපත් වුණා. ඒ සියල්ල සැබවින්ම, එහි බරපතල භාවය පිලිබඳ සැබෑ වැටහීමෙන් සාකච්ඡාවට බඳුන් වුණා. අවසානයේ, ඇතැම්, මාර්ගෝපදේශන පිලිබඳ එකඟතාවකට ප්රවිෂ්ඨ වීමට අපට හැකි වුණා," ඉරාන විදේශ අමාත්යවරයා එසේ පැවසීය.
එළැඹෙන දෙසතිය තුළ, න්යෂ්ටික ගැටලුවේ තවමත් නොවිසඳුණු කරුණු පිලිබඳ ඉරානය සිය යෝජනා ඉදිරිපත් කිරීමට නියමිතය.
"සාකච්ඡාවල යම් ප්රවර්ධනයක් ඇති බව සත්යයක්. එහෙත් කතා කිරීමට තවත් බොහෝ දේ ඉතිරියි," ඊට සහභාගී වූ එක්සත් ජනපද රාජ්ය නිලධාරියකු රොයිටර්ස් පුවත් සේවයට පැවසීය.
(සටහන |Reuters ඇසුරින්; හර්ෂ උදයකාන්ත පීරිස්)
2/18/2026
(
මුලාශ්රය :
Iran foreign minister says progress made in nuclear talks with US in Geneva
