පූර්ව-ආරක්ෂිත පියවරක් ලෙස ඉරානයට ප්රහාර එල්ල කළ බව ඊශ්රායලය මීට ටික වේලාවකට පෙර ප්රකාශ කළේ ය.
"Operation Rising Lion" ලෙස නම් කර ඇති මෙම මෙහෙයුම හරහා ඉරානයේ න්යෂ්ටික සහ මිසයිල මධ්යස්ථාන ඉලක්ක කර ඇති බව වාර්තා වේ.
ඊශ්රායල ගුවන් හමුදාවට අයත් ප්රහාරක යානා ගණනාවක් යොදා ගනිමින් ඉරානයේ ටෙහෙරාන් අගනුවර සහ ප්රධාන න්යෂ්ටික මධ්යස්ථාන පිහිටි නටාන්ස් (Natanz) සහ ෆෝඩෝ (Fordow) ප්රදේශ වෙත මෙම ප්රහාර එල්ල කර ඇත.
ඊශ්රායල ආරක්ෂක අමාත්ය ඉස්රායෙල් කැට්ස් අද (28) නිවේදනය කළේ සිය රටේ ආරක්ෂාවට එල්ල වී තිබූ තර්ජන මැඩපැවැත්වීම සඳහා ඉරානය තුළ පිහිටි ඉලක්ක වෙත (pre-emptive) ප්රහාරයක් දියත් කළ බවයි.
ප්රහාරය එල්ල වන අවස්ථාවේදී ඉරානයේ උත්තරීතර නායක අයතුල්ලා අලි කමේනි ටෙහෙරානයේ නොසිටි බවත් ඔහු ආරක්ෂිත ස්ථානයකට යොමු කර ඇති බවත් සමීප මූලාශ්ර උපුටා දක්වමින් රොයිටර්ස් ප්රවෘත්ති සේවය වාර්තා කර තිබිණි.
මැද පෙරදිග කලාපය අලුත් ගැටුමකට මුලපුරයි ...
මෙම ප්රහාරයත් සමඟ බටහිර ආසියානු කලාපය හෙවත් මැද පෙරදිග කලාපය අලුත් ගැටුමකට තල්ලු වනු ඇතැයි බිය පළ වී තිබෙන අතර ඇමෙරිකා එක්සත් ජනපදය ප්රමුඛ බටහිර රටවල් සහ ඉරානය අතර න්යෂ්ටික ආරවුලට රාජ්ය තාන්ත්රික විසඳුමක් ලබාගැනීමට ඇති බලාපොරොත්තු සුන්වනු ඇත.
මේ අතර ඉදිරි පැය කිහිපයේදී ඇමෙරිකා එක්සත් ජනපදය ද, ඉරානයට ප්රහාරයක් එල්ල කරනු ඇතැයි ඇමෙරිකානු නිලධාරියකු උපුටා දක්වමින් ‘ද නිව්යෝක් ටයිම්ස්’ පුවත්පත වාර්තා කර තිබිණි.
ඉරානයෙන් එල්ල විය හැකි ප්රතිප්රහාර (retaliatory strikes) සැලකිල්ලට ගනිමින් ඊශ්රායල ආරක්ෂක අමාත්යවරයා විසින් සමස්ත ඊශ්රායලය පුරා වහාම ක්රියාත්මක වන පරිදි විශේෂ හදිසි තත්ත්වයක් ප්රකාශයට පත් කර තිබෙන බව ද වාර්තාවේ.
ඊශ්රායල ආරක්ෂක අංශ (IDF) විසින් සිවිල් වැසියන්ට බෝම්බ ආරක්ෂිත කුටි (bomb shelters) අසල රැඳී සිටින ලෙසත්, අනවශ්ය ගමන් බිමන්වලින් වළකින ලෙසත් උපදෙස් දී තිබෙන අතර පාසල් සහ අනෙකුත් අධ්යාපන ආයතන තාවකාලිකව වසා දමා තිබේ.
මුලාශ්ර :
Live Updates: U.S. and Israel Conduct Strikes on Iran
US, Israel launch Operation Shield of Judah against Iran; explosions rock Tehran
