පසුගිය දින දෙක තුළ ඉරානය සමඟ "මැදපෙරදිග අපගේ සතුරුකම් සම්පූර්ණ හා සම්පූර්ණ විසඳුමක් සම්බන්ධයෙන් ඉතා හොඳ සහ
ඵලදායී සංවාද" තමාගේ පරිපාලනය පවත්වා ඇති බව ඇමෙරිකා එක්සත් ජනපදයේ ජනාධිපතිවරයා පවසයි.
ජනාධිපති ට්රම්ප් ඒ බව පවසා ඇත්තේ TruthSocial හි පළ කරන ලද සටහනකය.
ඇමෙරිකා එක්සත් ජනපදයේ ජනාධිපතිවරයා එහි මෙසේ සඳහන් කර ඇත.
"පසුගිය දින දෙක තුළ ඇමරිකා එක්සත් ජනපදය සහ ඉරානය අතර, මැද පෙරදිග අපගේ සතුරුකම් පිළිබඳ සම්පූර්ණ විසඳුමක් සම්බන්ධයෙන් ඉතා හොඳ සහ ඵලදායී සංවාද පවත්වා ඇති බව මම සතුටින් වාර්තා කරමි.
"මෙම ගැඹුරු සහ සවිස්තරාත්මක සංවාද මෙම සතිය පුරා දිගටම පවතිනු ඇත, අඛණ්ඩ රැස්වීම් සහ සාකච්ඡාවල සාර්ථකත්වයට යටත්ව ඉරාන බලාගාර සහ බලශක්ති යටිතල පහසුකම්වලට එරෙහිව ඕනෑම සහ සියලුම හමුදා ප්රහාර දින පහක කාලයක් සඳහා කල් දැමීමට මම යුද දෙපාර්තමේන්තුවට උපදෙස් දී ඇත්තෙමි. මෙම කාරණය කෙරෙහි ඔබේ අවධානයට ස්තූතියි! - ජනාධිපති ඩොනල්ඩ් ජේ. ට්රම්ප්"
හෝමුස් සමුද්ර සන්ධිය පැය 48 ක් තුළ සම්පූර්ණයෙන් විවෘත නොකළහොත් ඉරානයේ සියලුම විදුලි බලාගාර විනාශ කර දමන බවට පසුගියදා 21 වැනිදා අනතුරු ඇඟවීමක් නිකුත් කළ ජනාධිපති ට්රම්ප්, ඊට අදාල කාලය අවසන්වීමට පැය කිහිපයක් තිබියදී අද මෙසේ සිය ස්ථාවරය වෙනස් කරමින් ඉරාන බලශක්ති පද්ධතියට එල්ල කිරීමට නියමිතව තිබූ ප්රහාර දින පහකට කල් තබන ලෙස අමෙරිකානු යුද දෙපාර්තමේන්තුවට නියෝග කර තිබේ.
ඉරාන විදේශ අමාත්යාංශය ට්රම්ප්ගේ ප්රකාශ ප්රතික්ෂේප කරයි
අමෙරිකානු ජනාධිපති ඩොනල්ඩ් ට්රම්ප් විසින් ඉරානය සමඟ "ඵලදායී සාකච්ඡා" පවත්වන බවට කළ ප්රකාශයන් ඉරාන විදේශ අමාත්යාංශය දැඩි ලෙස ප්රතික්ෂේප කර තිබේ.
ඉරාන රජයට අනුබද්ධ මාධ්ය වාර්තා කරන්නේ, ට්රම්ප්ගේ මෙම ප්රකාශ හුදෙක් ලෝක වෙළෙඳපොළේ ඉහළ යන බලශක්ති මිල ගණන් පහත දැමීමට සහ අමෙරිකානු හමුදා සැලසුම් සඳහා කාලය ලබාගැනීමට ගන්නා උත්සාහයක් බවය.
ඉරාන විදේශ අමාත්යාංශය උපුටා දක්වමින් මෙහර් 'Mehr' පුවත් සේවය වාර්තා කර ඇත්තේ, කලාපීය නොසන්සුන්තාව අවම කිරීම සඳහා ඇතැම් රටවල් විසින් ඉදිරිපත් කරන ලද "යෝජනා" කිහිපයක් පවතින බවය.
"මෙම යුද්ධය ආරම්භ කළ පාර්ශවය අප නොවේ. එබැවින් මෙම සියලු ඉල්ලීම් සහ යෝජනා යොමු කළ යුත්තේ වොෂින්ටනය වෙතයි," යනුවෙන් ඉරාන විදේශ අමාත්යාංශය අවධාරණය කර ඇත.
ට්රම්ප් කළ ප්රකාශයත් සමඟ ලෝක වෙළෙඳපොළේ තෙල් මිල පහළට
ඉරානය සහ අමෙරිකාව අතර පවතින ගැටුම් සමනය කර ගැනීම සඳහා පැවැත්වෙන සාකච්ඡා සාර්ථක වෙමින් පවතින බව ජනාධිපති ඩොනල්ඩ් ට්රම්ප් කළ ප්රකාශයත් සමඟ, අද ලෝක වෙළෙඳපොළේ බොරතෙල් මිල කැපී පෙනෙන ලෙස පහත වැටී ඇති බව විදෙස් වාර්තා පෙන්වා දෙයි.
ඒ අනුව, බ්රෙන්ට් බොරතෙල් මිල 7% කින් පමණ පහත වැටී බැරලයක් ඩොලර් 99 ට වඩා අඩු අගයකට පැමිණ ඇති බව සඳහන් වේ.
අද උදෑසන එහි මිල ඩොලර් 114 ක් ලෙස සටහන්ව තිබුණි.
එසේම අමෙරිකානු WTI තෙල් මිල ද 8% කින් පහත වැටී බැරලයක් ඩොලර් 90 දක්වා අඩු වී ඇති බව පැවසේ.
