ඉරානයට සම්බන්ධ තෙල් නෞකාවක් ඉන්දු - පැසිෆික් මුහුදේදී අමෙරිකානු භාරයට

මෙරට මුහුදු සීමාවට ආසන්නයේදී සිංගප්පූරුව බලා ගමන් ගනිමින් තිබූ ඉරානය සමග සබඳතා පැවැත්වූ බවට සැක කෙරෙන

ඉන්ධන නෞකාවක් අමෙරිකානු භාරයට ගෙන තිබේ.

ලංකාවට ගිනිකොන දෙසින් කිලෝමීටර් 700ක් දුරින් ගමන් කරමින් තිබියදී මෙම නෞකාව අමෙරිකානු නාවික හමුදා භාරයට ගෙන ඇති බව විදෙස් මාධ්‍ය වාර්තා හී සඳහන්ව ඇත.

එමෙන්ම මැරීන් ට්‍රැෆික් හී දත්ත වාර්තා අනුව ටොන් ලක්ෂ 3කට ආසන්න ධාරිතාවක් ඇති බොරතෙල් නෞකාවක් බවත් මෙම නෞකාවට එක්සත් ජනපද විදේශ වත්කම් පාලන කාර්යාලය විසින් සම්බාධක පනවා ඇති බවත් වාර්තා විය.

මෙම නෞකාව ඉන්දියානු නැව් සමාගමකට සම්බන්ධ බවටද තොරතුරු අනාවරණය වී ඇති බව විදෙස් මාධ්‍ය වාර්තා වැඩිදුරටත් සඳහන් කළේයට.

මෙම නෞකාව අප්‍රේල් 10 වන දින ගල්ෆ් කලාපයෙන් පිටව ගොස් අප්‍රේල් 18 වන දින මෙරට ගාලු වරායට ආසන්නව කෙටි කාලයක් නතර කර තිබූ බවද විදෙස් මාධ්‍ය වාර්තාවල සඳහන් වේ.


මුලාශ්‍ර :

US intercepts and seizes Iranian-flagged cargo ship, Trump says

U.S. Forces Board Iran-Linked Crude Tanker in Indo-Pacific