ලොව විවිධ අභියෝග මධ්යයේ වුවද චීනය විශාල ආර්ථික විභවයක් හා නම්යශීලිත්වයක් පෙන්නුම් කරන බව යළි සනාථ කර තිබෙනවා.
පසුගිය දා ජාත්යන්තර මූල්ය අරමුදල නවතම වාර්තාව නිකුත් කරමින් මේ වසරේ ලෝක ආර්ථික වර්ධනය සඳහා වූ පුරෝකථනය 0.2%කින් පහළ දැමීය. එනම් එය 3.1% දක්වා අඩු කෙරිණ. මෙවන් පසුබිමක මේ වසරේ පළමු කාර්තුවෙහි චීන ආර්ථික දත්තවලින් පෙන්නුම් කෙරුණු යහපත් ප්රතිඵල කැපී පෙනේ. චීනය පසුගියදානිකුත් කළ අදාළ දත්තවලට අනුව මේ වසරේ පළමු කාර්තුවේදී චීනයේ දළ දේශීය නිෂ්පාදිතය 2025 වසරේ සමාන කාලසීමාවට සාපේක්ෂව 5%කින් වර්ධනය වී මේ වසරේ වාර්ෂික ආර්ථික වර්ධන පුරෝකථන පරාසයේ ඉහළම අගයට ළඟා වී ඇත. අපේක්ෂාවට වඩා චීනය මේ වසරේ ජයග්රාහී ආරම්භයකින් වෙළඳපොලට දැඩි විශ්වාසයක් ද ලෝකයට දුර්ලභ ස්ථාවරත්වයක් ද ගෙන දී තිබෙන බව චීන මාධ්ය වාර්තා කර තිබිණ.
වර්තමානයේ භූ දේශපාලන අවදානම් ඉහළ යාම හා ගෝලීය බලශක්ති වෙළඳපොල අස්ථාවර වීම හමුවේ වුවද චීනය සිය සංවර්ධනයට වැඩි අවධානයක් යොමු කර තිබීම එම ජයග්රාහී ආරම්භයට ප්රධානම හේතු සාධකය බව විශ්ලේෂකයන් ද පෙන්වා දෙයි. චීනය නව ගුණාත්මකභාවයෙන් යුත් ඵලදායීතාව වඩාත් වේගවත්ව වර්ධනය කිරීම සහ ප්රතිසංස්කරණය හා විවෘතභාවය නොවෙනස්ව ක්රියාත්මක කිරීම, සිය ආර්ථිකය පරිවර්තනය හා වැඩිදියුණු කිරීම වෙනුවෙන් ශක්තිමත් ගම්යතාවයක් ලබා දී ඇතැයි ද විශ්ලේෂක මතයයි.
ලොව දෙවන විශාලතම ආර්ථිකය හිමි චීනය සතුව සමස්ත ආර්ථික ධාරිතාව චීන යුවාන් ට්රිලියන 140ක් එනම් ඇමරිකානු ඩොලර් ට්රිලියන 19.44ක් ඉක්මවා ගොස් ඇත. මෙවන් ඉහළ අගයක් මත දළ දේශීය නිෂ්පාදිතය 5%ක වර්ධනයක් අත්කර ගැනීම පහසු කාර්යයක් නොවේ. එසේම චීන ආර්ථිකය තුළ දක්නට ලැබුණු ස්ථාවරත්වය, නව්ය ගම්යතාවය සහ නම්යශීලිත්වය මේ වසරේ ආර්ථික වර්ධන ඉලක්ක සපුරාලීම සඳහා ශක්තිමත් අඩිතාලමක් දමා ඇතැයි විශ්වාස කෙරේ.
ලෝකය විවිධ අභියෝගවලට මුහුණ දී සිටින වත්මන් කාලයේ චීනය සිය විශාල ආර්ථික විභවයක් හා නම්යශීලිත්වයක් පෙන්නුම් කරමින් ලෝකයට ධනාත්මක බලපෑමක් ගෙන දෙනු ඇතැයි ජාත්යන්තර මූල්ය අරමුදලේ අධ්යක්ෂ ජනරාල් Kristalina Georgieva ද පවසා තිබේ. 5%ක ආර්ථික වර්ධනය, ගෙවුණු පළමු කාර්තුවේදී චීනය ලද ආර්ථික ජයග්රහණයක් පමණක් නොව, චීනයේ 15වැනි පස්අවුරුදු සැලසුමෙහි යහපත් ආරම්භයේ පෙර නිමිත්තකි. එසේ ම එය චීනය ලෝකය සමග සංවර්ධන අවස්ථා බෙදා ගැනීමේ පැහැදිලි සංඥාවක් ද වනු ඇත.
දිනූෂි ධීරසිංහ
චීන මාධ්ය සමූහය
