පෘතුගාලය
මෙවර ‘යුරෝ’ ශූරතාවලියේ තවත් ජනප්රිය කණ්ඩායමක් වන පෘතුගාලය මෑතකදී ස්ලොවේනියාව හමුවේ ලත් විස්මිත 2-0ක පරාජයට පෙර රබර්ටෝ මාටීනස් යටතේ ක්රීඩා කළ සෑම තරගයක්ම ජය ගෙන තිබෙනවා.
හිටපු බෙල්ජියම් හා එංගලන්තයේ Everton කණ්ඩායමේ පුහුණුකරුවා පෘතුගාලය ආක්රමණික දක්ෂතාවෙන් සම්පූර්ණයෙන් සන්නද්ධ කිරීමට සමත්ව සිටින්නේ ඔහුගේ කණ්ඩායම සුදුසුකම් ලැබීමේ තරග 10න් විශිෂ්ට ගෝල් 36ක් වාර්තා කරමින්.
ප්රංශය සහ එංගලන්ත කණ්ඩායම් මෙන්, ජර්මන් තරගාවලියේදී පෘතුගාලයේ ද යෝධ බලැති ගමන නතර කිරීමට නම් විශේෂ යමක් කළ යුතුව තිබෙනවා.
අවධානය යොමු කළ යුතු ක්රීඩකයා - බනාඩෝ සිල්වා (Bernardo Silva)
29 හැවිරිදි මේ ‘මැන්චෙස්ට සිටි’ ක්රීඩකයා රට වෙනුවෙන් තරග 88කට ක්රීඩා කර කණ්ඩායමේ පළපුරුදු ක්රීඩකයෙකු බවට පත්ව සිටින අතර පෘතුගාල කණ්ඩායමේ තිබෙන ආක්රමණික තත්ත්වය එකට තබා ගත හැකි එකම ක්රීඩකයා වන්නේ බනාඩෝ සිල්වා.
කළමනාකරු - රබර්ටෝ මාටීනස් (Roberto Martinez)
මීට පෙර වසර හයක් බෙල්ජියමේ පුහුණුකරු ලෙස සිටි මොහු කළින් ප්රධාන තරගාවලියන් තුනක තමන්ගේ අත්දැකීම් පෘතුගාලයේ යහපතට යොදා ගැනීමේ අපේක්ෂාවෙන් පසුවනවා.
චෙක් සමූහාණ්ඩුව
ඔවුන් පසුගිය තරග 10දී එක් පරාජයක් පමණක් ලැබීමෙන් පෙන්නුම් කරන්නේ අයිවන් හෑසෙට්ගේ කණ්ඩායම නොසලකා හැරිය යුතු එකක් නොවන බව.
අවධානය යොමු කළ යුතු ක්රීඩකයා - පත්රික් ෂික් (Patrick Schick)
ආබාධ ප්රශ්න යටපත් කිරීමට මෑත මාසවලදී සමත්ව සිටින ෂික් එම තරගාවලියේ වැඩිම ගෝල්ලාභියා බවට පත්වුනා. ජර්මනියේ Bayer Leverkusen වෘත්තීය පාපන්දු සමාජය වෙනුවෙන් තරග 110කදී ගෝල් 51ක් සහ රට වෙනුවෙන් තරග 37කදී ගෝල් 18ක් ලබා ගෙන සිටින මේ ආක්රමණික ක්රීඩකයා එළඹෙන ගිම්හානයේ ජර්මනියේදී චෙක් සමූහාණ්ඩුව ඔවුන්ගේ බලය තහවුරු කිරීමේ තීරණාත්මක ක්රීඩකයා බවට පත්වීමට ඉඩ තිබෙනවා.
කළමනාකරු - අයිවන් හෑසෙට් (Ivan Hasek)
සටහන :
(වර්නන් ගුණසේකර)
ජ්යෙෂ්ඨ මාධ්යවේදී
EURO 2024: බෙල්ජියම සහ රොමේනියාව (ඊ කොටස)
EURO 2024: යුක්රේනය සහ ස්ලොවේකියාව (ඊ කොටස)
EURO 2024: පෝලන්තය සහ ඔස්ට්රියාව (ඩී කොටස)
EURO 2024: නෙදර්ලන්තය සහ ප්රංශය (ඩී කොටස)
EURO 2024: සර්බියාව සහ එංගලන්තය (සී කොටස)
EURO 2024: ස්ලොවේනියාව සහ ඩෙන්මාර්කය (සී කොටස)
EURO 2024: ඉතාලිය සහ ඇල්බේනියාව (බී කොටස)
EURO 2024: ස්පාඤ්ඤය සහ ක්රොඒෂියාව (බී කොටස)
EURO 2024: හංගේරියාව සහ ස්විට්සලන්තය (ඒ කොටස)
EURO 2024: ජර්මනිය සහ ස්කොට්ලන්තය (ඒ කොටස)