2026 වසරේ ශ්රී ලංකාවේ හා ඉන්දියාවේ පැවැත්වීමට නියමිත මීළඟ විස්සයි20 - T20 - ලෝක කුසලාන තරගාවලිය සඳහා සුදුසුකම් ලබා ගැනීම
පිණිස ඉතාලිය ට උපකාර කිරීමට හිටපු ඔස්ට්රේලියානු ටෙස්ට් ආරම්භක පිතිකරු ජෝ බර්න්ස් (Joe Burns) සූදානම් වනවා. ඔහු මේ උත්සාහයේ නිරත වීමට තීරණය කර තිබෙන්නේ තමාගේ මිය ගිය සහෝදරයා ට ගෞරව පිදීමක් ලෙසින්.
2024-25 ක්රීඩා වාරය සඳහා වන ක්වීන්ස්ලන්ත ක්රිකට් කොන්ත්රාත් ලැයිස්තුවෙන් ඉවත් කිරීමෙන් පසුව 34 හැවිරිදි බර්න්ස් දැන් ඔහුගේ හදවතට සමීප කාර්යයක් වෙනුවෙන් අවධානය යොමු කර තිබෙනවා.
2014 සිට 2020 දක්වා කාලය තුළ ඔස්ට්රේලියාව වෙනුවෙන් ටෙස්ට් ක්රිකට් තරග 23කට ක්රීඩා කළ ජෝ බර්න්ස්, පෙබරවාරියේ මිය ගිය ඔහුගේ සහෝදරයා වෙනුවෙන් තවමත් කනගාටු වනවා.
බ්රිස්බේන් හි අන්තර් සමාජ ක්රිකට් ක්රීඩා කරද්දී පැළඳ සිටි අංක 85 සඳහන් ඉතාලි ජර්සිය
තමාගේ මිය ගිය සොහොයුරා වන ඩොමිනික්, බ්රිස්බේන් හි අන්තර් සමාජ ක්රිකට් ක්රීඩා කරද්දී පැළඳ සිටි අංක 85 සඳහන් ඉතාලි ජර්සිය සමග ගත් ඡායාරූපයක් හැඟීම්බර සමාජ මාධ්ය පෝස්ටුවකින් බර්න්ස් පළකර තිබෙනවා.
“මෙය නිකම් ම අංකයක් නෙවෙයි. මේක නිකම් ම නිකම් ජර්සියකුත් නෙවෙයි” යනුවෙන් බර්න්ස් ‘ඉන්ස්ටග්රෑම්’හි සටහන් කර තිබෙනවා.
සිය මව හරහා ඉතාලි උරුමයක් තිබෙන ජෝ බර්න්ස් 2026 වසරේ T20 ලෝක කුසලාන තරගාවලියට සුදුසුකම් ලබා ගැනීම සඳහා උපකාර කරන්නේ පාපන්දු ක්රීඩාවෙන් වඩාත් ප්රසිද්ධ රටකට.
“ඔස්ට්රේලියාවේ අලුත් ජීවිතයක් ගත කිරීම පිණිස ඉතාලිය අතහැර ඒමේදී මගේ සීයා හා ආච්ච් ට තිබූ නිර්භීතකම හා කැපවීම ගැන මම නිතර සිතනවා” යනුවෙන් බර්න්ස් ලියා තිබෙනවා.
2026 විස්සයි20 ලෝක කුසලානය කරා යන අපේ ගමනේදී ඉතාලිය නියෝජනය කිරීම මට ලොකු ආඩම්බරයක්.”
“ඔවුන් අසීරුතාව මැදින් ගමන් කරන්න ක්රමයක් හොයා ගත්තා. මෙය සැමවිටම ජීවිතයේ පාඩම්වලදී මට සැනසිල්ල ගෙන දෙන කරුණක් වී තිබෙනවා.”
“2026 විස්සයි20 ලෝක කුසලානය කරා යන අපේ ගමනේදී ඉතාලිය නියෝජනය කිරීම මට ලොකු ආඩම්බරයක්.”
“රෝමයේ ක්රීඩා පිට්ටනි ඔස්ට්රේලියාවේ ගබා, මෙල්බර්න් හෝ අපේ ගෙවල්වල ඉදිරි මිදුලට වඩා ගොඩක් වෙනස් වෙන්න පුළුවනි. නමුත් මට දැනෙන්නේ මම ආයෙත් ගෙදර එනවා වගෙයි!”
සටහන :
(වර්නන් ගුණසේකර)
ජ්යෙෂ්ඨ මාධ්යවේදී
