පාකිස්තානයේ වේග පන්දු යවන ක්රීඩක ෂහීන් ෂා අෆ්රිඩි සහ ඔහුගේ බිරිඳ අන්ෂා අෆ්රිඩි ඔවුන්ගේ පළමු දරුවා ඊයේ ලෝකයට පිළිගත්තේ අන්ෂාගේ පියා වන හිටපු පාකිස්තාන ක්රිකට් නායක ෂහිඩ් අෆ්රිඩි (Shahid Afridi) සීයා කෙනෙක් බවට පත් කරමින්.
අලි යාර් (Ali Yar) ලෙස නම් කර ඇති පිරිමි දරුවා සෙනසුරාදා මෙලොව එළිය දුටුවේ පියා රාවල්පින්ඩි නුවරදී බංග්ලාදේශයට එරෙහි පළමු ටෙස්ට් තරගයේ ක්රීඩා කරමින් සිටියදී.
බංග්ලාදේශය සමග තරග දෙකකින් යුත් ටෙස්ට් ක්රිකට් තරගමාලාවකට සහභාගි වෙමින් සිටින 24 හැවිරිදි ෂහීන් අෆ්රිඩි ඔහුගේ බිරිඳ හා අලුත උපන් දරුවා දැක ගැනීම පිණිස අද ඉරිදා රාත්රියේ රාවල්පින්ඩි නුවරින් පිටත්ව කරච්චි නගරය බලා පිටත්ව යනු ඇත්තේ පළමු ටෙස්ට් තරගය අවසන් වීමෙන් පසුව.
අගෝස්තු 30 වැනිදා දෙවැනි ටෙස්ට් ගැටුම ආරම්භ වීමට පෙර ඔහු සිය කණ්ඩායම් සගයන් සමග නැවත එක්විමට නියමිතයි.
ෂහීන් (Shaheen Shah Afridi) සහ අන්ෂා (Ansha Afridi) විවාහ ගිවිස ගත්තේ 2023 පෙබරවාරියේ. පසුව එම වසරේ සැප්තැම්බරයේදී මේ යුවළ ඔවුන්ගේ විවාහ උත්සවයන් පැවැත්වූවා.
පාකිස්තාන ජාතික ක්රිකට් කණ්ඩායමේ ක්රීඩකයන් සහ හිටපු ක්රිකට් ක්රීඩකයන් මේ විවාහ උත්සවයට සහභාගි වූයේ ඊට ප්රබෝධමත් ක්රිකට් ක්රීඩා ස්වරූපයක් එක් කරමින්.
නව යුවළට සුභ පැතීම සඳහා පැමිණ සිටි විශේෂ පුද්ගලයන් අතර බාබර් අසාම්, ෂඩාබ් ඛාන්, ඉමාම්-උල්-හක් සහ හැරිස් රවුෆ් යන ක්රීඩකයන් ද සිටියා. මීට අමතරව නසීම් ෂා, ෆඛාර් සමාන් හා මොහමඩ් රිස්වාන් යන ක්රීඩකයන් ද විවාහෝත්සවයට පැමිණ සිටියා.
වමතින් වේග පන්දු යවන ෂහීන් ෂා අෆ්රිඩි ඔහුගේ පළමු දරුවා ලැබීමේ ප්රීතිය සැමරුවේ බංග්ලාදේශය ට එරෙහි රාවල්පින්ඩ් පළමු ටෙස්ට් තරගයේ කඩුල්ලක් ලබා ගැනීමෙන් පසුව දරුවකු දෑතේ තබා ගෙන තොටිල්ලක මෙන් පැද්දෙන අංග චලනයක් ප්රදර්ශනය කරමින්.
සටහන :
(වර්නන් ගුණසේකර)
ජ්යෙෂ්ඨ මාධ්යවේදී
