බංග්ලාදේශය ට එරෙහිව චෙන්නායි හි දී ලකුණු 280ක දැවැන්ත ජයග්රහණයක් ලැබූ ටෙස්ට් ක්රිකට් තරගය ඉන්දියාව ට මෙන්ම එම කණ්ඩායමේ තුන් ඉරියව් ක්රීඩක
රවිචන්ද්රන් අශ්වින් ට ද ඉතාමත් වැදගත් සන්ධිස්ථානයක් බවට පත්වූයේ එහිදී වාර්තා පිට වාර්තා බිහිවූ බැවින්.
මේ තරගයේදී පසු පෙල පිතිකරු අශ්වින් ශතකයක් ලබා ගැනීමට අමතරව කඩුලු හයක් ද ලබා ගනිමින් ඉන්දියාව මේ වාර්තාගත ජයග්රහණය කරා ගෙන ගියා.
ජයග්රහණයත් සමග ඉන්දියාව දැන් ඔවුන්ගේ ඉතිහාසයේ ප්රථම වතාවට ටෙස්ට් තරග පරාජයන්ට වඩා ජයග්රහණයන් සතුකර ගෙන සිටිනවා.
මේ ජයග්රහණයත් සමග ඉන්දියාව දැන් ඔවුන්ගේ ඉතිහාසයේ ප්රථම වතාවට ටෙස්ට් තරග පරාජයන්ට වඩා ජයග්රහණයන් සතුකර ගෙන සිටිනවා. පරාජයන් 178 හා සසඳන විට ජයග්රහණ 179ක් පිළිබඳව ඉන්දියාව ට දැන් පුරසාරම් දොඩන්න පුළුවන්.
මේ අනුව, ටෙස්ට් ක්රිකට් පරාජයන්ට වඩා ජයග්රහණයන් වාර්තා කර සිටින කණ්ඩායම් ලැයිස්තුවේ ඔස්ට්රේලියාව, එංගලන්තය, දකුණු අප්රිකාව හා පාකිස්තානය සමග දැන් ඉන්දියාව ද එක්ව සිටිනවා.
ඉන්දියාව ඔවුන්ගේ පළමු ටෙස්ට් ජයග්රහණය ලබා ගත්තේ තරග 25කට ක්රීඩා කිරීමෙන් පසුව.
ඉන්දියානු ජයග්රහණයේදී ඔහු බැබලුනේ තුන් ඉරියව්වෙන් ම කැපී පෙනුනු දස්කම් දක්වමින්. ලකුණු 88කට කඩුලු 6ක් ලබා ගැනීමට පෙර ඔහු මේ තරගයේ පිතිකරණයේ යෙදුනු එක ම ඉනිමේදී ලකුණු 113ක් රැස් කිරීමට සමත් වුනා.
චෙන්නායි හි පැවති ඉන්දියා - බංග්ලාදේශ පළමු ටෙස්ට් තරගයේදී අශ්වින් සිටියේ ඔහුගේ උපරිම දක්ෂතාවේ. ඉන්දියානු ජයග්රහණයේදී ඔහු බැබලුනේ තුන් ඉරියව්වෙන් ම කැපී පෙනුනු දස්කම් දක්වමින්. ලකුණු 88කට කඩුලු 6ක් ලබා ගැනීමට පෙර ඔහු මේ තරගයේ පිතිකරණයේ යෙදුනු එක ම ඉනිමේදී ලකුණු 113ක් රැස් කිරීමට සමත් වුනා. මේ අනුව අශ්වින් ඓතිහාසික හපන්කමක් ඔහුගේ නමින් සනිටුහන් කළේ එකම ටෙස්ට් තරගයකදී ශතකයක් හා කඩුලු පහක් ලබා ගත් ඉතිහාසයේ වයස්ගතම ක්රිකට් ක්රීඩකයා ලෙසින්.
වසර 147ක් පැරණි ටෙස්ට් ක්රිකට් ඉතිහාසයේ මේ වැදගත් අවස්ථාවට පිවිසි පළමු ක්රීඩකයා බවට අශ්වින් ඉතිහාසගත වන්නේ ඔහුට වයස අවුරුදු 38යි දවස් 2ක්ව තිබෙන මොහොතක.
ඔහු විසින් අභිභවා යනු ලැබුවේ වයස අවුරුදු 36යි දවස් 7දී මේ දක්ෂතාව වාර්තා කළ ඉන්දියාවේ ම Polly Umrigar ක්රීඩකයාව.
අශ්වින් ටෙස්ට් ක්රිකට් ක්රීඩාවේ ඔහුගේ 37 වැනි කඩුලු පහක මල්ල හිමිකර ගනිමින් හිටපු ඔස්ට්රේලියානු පුරාවෘත්ත දඟ පන්දු යවන්නා වූ ෂේන් වෝන්ගේ වාර්තාව සම කළා.
මේ ඉන්දියානු පිට දඟ පන්දු යවන්නා ඔහුගේ 520, 521 හා 522 ටෙස්ට් කඩුලු සිවු වැනි දින ක්රීඩාවේදී ලබා ගත්තේ බංග්ලාදේශය ලකුණු 234කට දැවී යද්දී. මේ ක්රියාවත් සමග අශ්වින් ටෙස්ට් ක්රිකට් ක්රීඩාවේ ඔහුගේ 37 වැනි කඩුලු පහක මල්ල හිමිකර ගනිමින් හිටපු ඔස්ට්රේලියානු පුරාවෘත්ත දඟ පන්දු යවන්නා වූ ෂේන් වෝන්ගේ වාර්තාව සම කළා.
අශ්වින් දැන්, මේ එදා මෙදා තුර ලැයිස්තුවේ වෝන් සමග සම වෙමින් දෙවැනි ස්ථානයේ පසුවනවා. ශ්රී ලංකාවේ මුත්තයියා මුරලිදරන් ටෙස්ට් කඩුලු පහේ දක්ෂතාවන් 67ක් වාර්තා කරමින් මේ ලැයිස්තුව මුදුනේ සිටිනවා.
බංග්ලාදේශය ට එරෙහි මේ තරගයේ පළමු ඉනිමේදී රවිචන්ද්රන් අශ්වින් කිසිම කඩුල්ලක් ලබා නොගත්ත ද, පිත්තෙන් හානිය සිදු කරමින් ඔහුගේ හය වැනි ටෙස්ට් ශතකය වාර්තා කිරීමට සමත් වුනා.
බංග්ලාදේශය ට එරෙහි මේ තරගයේ පළමු ඉනිමේදී රවිචන්ද්රන් අශ්වින් කිසිම කඩුල්ලක් ලබා නොගත්ත ද, පිත්තෙන් හානිය සිදු කරමින් ඔහුගේ හය වැනි ටෙස්ට් ශතකය වාර්තා කිරීමට සමත් වුනා.
සටහන :
(වර්නන් ගුණසේකර)
ජ්යෙෂ්ඨ මාධ්යවේදී
