ඊශ්රායල ජාතික අයිස් හොකී කණ්ඩායම ද එම තරගාවලියට සහභාගී වීමේ අපේක්ෂාවෙන් පසු විය. එහෙත්, එම කණ්ඩායමේ ආරක්ෂාව පතා තරගාවලිය අවලංගු කිරීමට ඕස්ට්රේලියානු ක්රීඩා බලධාරීන් විසින් පියවර ගෙන තිබේ.
ඔස්ට්රේලියාවේ, මෙල්බර්න් නුවර දී ලබන අප්රේල් මස එම තරගාවලිය පැවැත්වීමට නියමිතව තිබිණි.
පසුගිය ආසන්න කාලවකවානුවේ, ඔස්ට්රේලියාව තුළ යුදෙව් විරෝධී ප්රහාරවල වර්ධනයක් දක්නට විය. වත්මන, එරට, එම ප්රහාරවලට එරෙහි විශේෂ කාර්ය බලකායයක් ද පිහිටුවා තිබේ.
2023 ඔක්තෝබර 7 දා, ඊශ්රායලයේ සිදු වූ හමාස් ත්රස්ත ප්රහාරයෙන් පසුව, ගාසා තීරයේ යුද්ධය ඇරඹි තැන් සිට, ඕස්ට්රේලියාවේ වෙසෙන ඊශ්රායල ජාතිකයින් ඉලක්ක කර දිගින් දිගටම ත්රස්ත ප්රහාර එල්ල විය. ඊට ප්රතිචාර ලෙස රජය, ඔස්ට්රේලියානු වැසි යුදෙව්වන්ගේ ආරක්ෂාව පතා ප්රමාණවත් පියවර නොගත් බවට ද චෝදනා එල්ල වේ.
ඕස්ට්රේලියානු අග්රාමාත්ය ඇන්තනී ඇල්බනීස්
කෙසේ වෙතත්, තරගාවලිය අවලංගු කිරීමට සිදුවීම කණගාටුවට කරුණක් බවත්, ඕස්ට්රේලියාවේ වෙසෙන සියලු යුදෙව් ජාතිකයින් ආරක්ෂා කිරීමට රජය අවශ්ය පියවර ගෙන ඇති බවත්, ඕස්ට්රේලියානු අග්රාමාත්ය ඇන්තනී ඇල්බනීස් අද පැවසීය.
"මෙම තීරණය ගෙන ඇත්තේ රජය නොව ඔස්ට්රේලියා අයිස් හොකී සම්මේලනය යි," යනුවෙන් ඔහු ප්රකාශ කළේය.
(Reuters ඇසුරින් සටහන | හර්ෂ උදයකාන්ත විසිනි)
