යුරෝපීය විස්සයි 20 ප්රිමිය ලීගය - European T20 Premier League (ETPL) - නමැති අලුත් වාර්ෂික විස්සයි 20 තරගාවලියකට ජගත් ක්රිකට්
කවුන්සලය (ICC) අනුමැතිය දී තිබෙනවා. යුරෝපය ට ඔවුන්ගේ ම ජාත්යන්තර ක්රිකට් ලීගයක් ලැබෙන්නේ ක්රිකට් ඉතිහාසයේ ප්රථම වතාවට.
ප්රථම වතාවට මේ වසරේ ජූලි 15 සිට අගෝස්තු 3 දක්වා පැවැත්වීමට නියමිත මේ ETPL තරගාවලිය පෞද්ගලික හිමිකාරිත්වයක් තිබෙන ලීගයක් වන අතර මේ තරගාවලියේ විශේෂත්වය වනුයේ එය අයර්ලන්තය, ස්කොට්ලන්තය හා නෙදර්ලන්තය යන රටවල් තුනේ ජාතික ක්රිකට් පාලක මණ්ඩල හවුලක් වීම.
මේ සහයෝගී ප්රවේශය විසින් තරගාවලියට සැබෑ යුරෝපීය හැඟීමක් ගෙන දෙන අතර මේ රටවල් තුනේ දක්ෂතම ක්රීඩකයන් ලොව වටා සිටින හොඳම ක්රීඩකයන් සමග එකට එක්ව ක්රීඩා කරනු දැකීමේ අවස්ථාව ක්රිකට් ලෝලීන්ට උදා වනවා.
මේ නව තරගාවලියේ වැදගත් ඉදිරි පියවරක් සනිටුහන් කරමින් ජනප්රිය බොලිවුඩ් නළුවෙක්, ව්යවසායකයෙක් හා ක්රීඩා උද්යෝගිවන්තයෙකු වන අභිෂේක් බච්චන් තරගාවලියේ සම අයිතිකරුවෙකු ලෙස මුදල් ආයෝජනය කර තිබෙනවා.
ඩබ්ලින් සහ බෙල්ෆාස්ට් (අයර්ලන්තය), ඇම්ස්ටඩෑම් සහ රොටඩෑම් (නෙදර්ලන්තය), එඩින්බ්රා සහ ග්ලාස්ගෝ (ස්කොට්ලන්තය) යන කණ්ඩායම්වල සහභාගිත්වයෙන් ආරම්භ වන මේ තරගාවලිය යුරෝපය, ඉන්දියාව, ඔස්ට්රේලියාව හා එංගලන්තය යන ප්රධාන වෙළඳ පොළ ඇතුළු ලොව පුරා ප්රේක්ෂකයන් වෙත ප්රවිශ්ට වනු ඇතැයි අපේක්ෂා කෙරෙන්නේ ප්රමූඛ මාධ්ය හවුල්කරුවන් විසින් මේ තරගාවලියේ ආවරණය සහතික කර තිබෙන බැවින්.
මේ තරගාවලියේ ප්රධාන මූල්ය ආයතන, ඒවායේ හිමිකරුවන් සහ ලාංජන ඇතුළු විස්තර ක්රීඩා ලෝලීන්ට ලබා දෙමින් ETPL දියත් කිරීමේ නිල උත්සවය ළඟදීම පැවැත්වීමට සංවිධායකයන් කටයුතු යොදා තිබෙනවා.
මේ තරගාවලිය යුරෝපීය ක්රිකට් ක්රීඩාවේ විප්ලවීය වෙනසක් සිදුකරනු ඇතැයි ICCය බලාපොරොත්තු වනවා.
(සටහන | වර්නන් ගුණසේකර)
ජ්යෙෂ්ඨ මාධ්යවේදී
