ස්වදේශික ජිම්නාස්ටික්ස් ක්රීඩිකාවකට පැරිස් ඔලිම්පික් ක්රීඩා උළෙලට සුදුසුකම් ලබා ගැනීම සඳහා උපකාර කරමින් තරග ලකුණු වෙනස් කළ
සයිප්රස් ජාතික රිද්මයාානුකූල ජිම්නාස්ටික්ස් විනිසුරුවරියකට සිවු වසරක තහනමක් පනවා තිබෙනවා.
2024 පැරිස් ඔලිම්පික් ක්රීඩා උළෙලේ යුරෝපීය සුදුසුකම් ලැබීමේ අවසාන ස්ථානය 16 හැවිරිදි වියේ පසුවන වීර ටුගොලුකෝවා (Vera Tugolukova) ට ලැබීම සහතික කිරීම පිණිස විනිසුරු එවන්ගේලියා ට්රීකමිටී (Evangelia Trikomiti) යුරෝපීය ශූරතාවලියේදී ලකුණු වෙනස් කළ බව ජාත්යන්තර ජිම්නාස්ටික් සම්මේලනය (FIG) විසින් සොයාගෙන තිබෙනවා.
2022 වසරේදී සයිප්රසය වෙනුවෙන් තරග කිරීම ආරම්භ කළ රුසියාවේ උපන් ටුගොලුකෝවා, පැරිසියේ පැවති ක්රීඩා උළෙලේ තනි සෑම ඉරියව් තරගාවලිය අවසන් කළේ 16 වැනි ස්ථනයෙන්.
පුහුණු කිරීමේ ක්රියාවන් හැර ජිම්නාස්ටික්ස් ක්රීඩාවට අදාළ සියලු ක්රියාකාරකම්වල නියැලීම සඳහා ට්රීකමිටී ට වසර හතරකට සුදුසුකම් නැති බවට අවධාරණය කරන බවට FIGයේ ජිම්නාස්ටික්ස් සදාචාර ප්රතිපත්ති පදනම නිවේදනයක් මගින් ප්රකාශ කර තිබෙනවා.
ට්රීකමිටී කළ වරදට යුරෝපීය ජිම්නාස්ටික්ස් වගකිවයුතු බව ද FIG කියා සිටිනවා.
පරීක්ෂණ කටයුතු වෙනුවෙන් වැයවූ යුරෝ 8,000ක මුදල ආපසු ගෙවන ලෙසට ද FIGය යුරෝපීය ජිම්නාස්ටික් ආයතනයට නියෝග කර තිබෙනවා.
2024 මැයි මස බුඩාපෙස්ට් හි පැවති යුරෝපීය ශූරතාවලියේ සුපිරි ජූරියේ සභාපතිනිය ලෙස කටයුතු කළ ට්රීකමිටී, පෝලන්තයේ ලිලිආනා ලෙවින්ස්කා (Liliana Lewinska) ට ඉහළින් ටුගොලුකෝවා ට ඔලිම්පික් සුදුසුකම ලබා දීම තහවුරු කිරීම පිණිස විනිසුරුවන්ගේ කාර්යයට අනිසි ලෙස බාධා කර තිබෙන බව හෙළි වී තිබෙනවා.
ට්රීකමිටී මීට කළින් 2016 රියෝ ඔලිම්පික් ක්රීඩා උළෙලේ විනිසුරුවරියක ලෙස ක්රියා කර ඇති අතර ඇයගේ සිවු වසරක තහනම සම්බන්ධයෙන් ඇපෑලක් ඉදිරිපත් කිරීමට පෙර නීතිඥයන්ගෙන් උපදෙස් ගන්නා බව යුරෝපීය ජිම්නාස්ටික් ආයතනය පවසනවා.
ට්රීකමටීගේ දියණිය ක්රිස්ටලෙනී (Chrystalleni) 2012 ලන්ඩන් ඔලිම්පික් ක්රීඩා උළෙලේදී සයිප්රසය නියෝජනය කළ අතර දිල්ලියේ පැවති 2010 පොදුරාජ්ය මණ්ඩලීය ක්රීඩා උළෙලේදී රිද්මයානුකූල ජිම්නාස්ටික්ස් රන් පදක්කම් දෙකක් දිනා ගත්තා.
(සටහන | වර්නන් ගුණසේකර)
ජ්යෙෂ්ඨ මාධ්යවේදී
