දකුණු ආසියානු පාපන්දු සම්මේලනය සංවිධාන කරනු ලබන 17න් පහළ බාලක පාපන්දු තරගාවලියේ 2025 අදියර එළැඹෙන සැප්තැම්බර් මස කොළඹ තුරඟ තරග පිටියේදී පැවැත්වීමට නියමිතය.
මෙවර ශ්රී ලංකාව මෙම තරගාවලිය සඳහා සත්කාරකත්වය දක්වනු ලබන දෙවැනි අවස්ථාව වේ.
දකුණු ආසියානු කලාපීය කණ්ඩායම් 7ක සහභාගිත්වයෙන් 10 වැනි වරට පැවැත්වෙන මෙම තරගාවලියේ කාණ්ඩ සඳහා කුසපත් ඇදීම පසුගියදා බංග්ලාදේශයේ ඩකා අගනුවරදී සිදුවූ අතර, එහිදී 'ඒ' කාණ්ඩය සඳහා සත්කාරක ශ්රී ලංකාව, බංග්ලාදේශය සහ නේපාලය ද, 'බී' කාණ්ඩය සඳහා ගියවර ශූරයන් වන ඉන්දියාව, පාකිස්තානය, භූතානය සහ මාලදිවයින යන කණ්ඩායම් තෝරාගෙන ඇත.
මෙම තරගාවලිය සඳහා 2009 වසරේ ජනවාරි 1 වැනිදායින් පසු උපත ලද ක්රීඩකයන් සුදුසුකම් ලබන අතර, සංචිතයකට අවම ක්රීඩකයන් 16ක් සහ උපරිම ක්රීඩකයන් 23 දෙනකු ඇතුළත් කරගැනීමේ හැකියාව පවතියි. තරගාවලියේ මූලික වටයේ තරගවලින් අනතුරුව කාණ්ඩවල ප්රථම ස්ථාන හිමි කරගන්නා කණ්ඩායම් අවසන් තරගය සඳහා සුදුසුකම් ලබයි. එම අවසන් පූර්ව තරගවලින් ජය ගන්නා කණ්ඩායම් දෙක අවසන් මහා තරගයේදී තරග වදිති.
තරගාවලි ඉතිහාසයේ ඉන්දීය කණ්ඩායම ගියවර ශූරතාව සමගින් 6වරක් ශූරතාව හිමිකරගෙන ඇත. එසේම බංග්ලාදේශයට දෙවරක් සහ පාකිස්තානයට එක් වරක් බැගින් ශූරතා හිමිකරගෙන ඇත. ශ්රී ලංකාව සිය උපරිම දක්ෂතාව ලෙස 2022 වසරේදී අවසන් පූර්ව තරගයට සුදුසුකම් ලද අතර එහිදී නේපාලය හමුවේ ගෝල 6-0ක් ලෙස පරාජයට පත් විය.
තරග කාලසටහන :
සැප්තැම්බර් 15 - ශ්රි ලංකාව සහ නේපාලය ('ඒ' කාණ්ඩය) - රාත්රි 7.00
සැප්තැම්බර් 16 - ඉන්දියාව සහ මාලදිවයින ('බී' කාණ්ඩය) - පස්වරු 3.00 / පාකිස්තානය සහ භූතානය ('බී' කාණ්ඩය) - රාත්රි 7.30
සැප්තැම්බර් 18 - බංග්ලාදේශය සහ නේපාලය ('ඒ' කාණ්ඩය) - රාත්රි 7.00
සැප්තැම්බර් 19 - මාලදිවයින සහ පාකිස්තානය ('බී' කාණ්ඩය) පස්වරු 3.00 / භූතානය සහ ඉන්දියාව ('බී' කාණ්ඩය) - රාත්රි 7.30
සැප්තැම්බර් 21 - ශ්රී ලංකාව සහ බංග්ලාදේශය ('ඒ' කාණ්ඩය) - රාත්රි 7.00
සැප්තැම්බර් 22 - ඉන්දියාව සහ පාකිස්තානය ('බී' කාණ්ඩය) - පස්වරු 3.00 / භූතානය සහ මාලදිවයින ('බී' කාණ්ඩය) - රාත්රි 7.30
සැප්තැම්බර් 25 - ප්රථම අවසන් පූර්ව තරගය - පස්වරු 3.00 / දෙවැනි අවසන් පූර්ව තරගය - රාත්රි 7.30
සැප්තැම්බර් 27 - අවසන් මහා තරගය - පස්වරු 6.00
| aruna
