එංගලන්ත ක්රිකට් කණ්ඩායම සීමිත ඕවර තරගමාලාවන් සඳහා ලබන ජනවාරියේ ශ්රී ලංකාව ට පැමිණෙනවා.
2026 ජනවාරි-පෙබරවාරි වකවානුවේ පැවැත්වෙන මේ සංචාරයේදී දෙරට අතර ජාත්යන්තර එක්දින හා විස්සයි20 තරග තුන බැගින් පැවැත්විමට නියමිත බව ශ්රී ලංකා ක්රිකට් ආයතනය අද නිවේදනය කළා.
ජනවාරි 19 වැනිදා දිවයිනට පැමිණෙන එංගලන්ත කණ්ඩායම ඔවුන්ගේ තරග සංචාරය ආරම්භ කරන්නේ පළමුව පැවැත්වෙන ජාත්යන්තර එක්දින (ODI) තරගමාලාවෙන්. එම තරග ජනවාරි 22, 24 හා 27 දිනවල කොළඹ ආර්.ප්රේමදාස ජාත්යන්තර ක්රිකට් ක්රීඩාංගණයේ පැවැත්වීමට නියමිතව තිබෙනවා.
ඉක්බිති ජාත්යන්තර විස්සයි20 (T20) තරගමාලාව පැවැත්වෙන්නේ පල්ලෙකැලේ ජාත්යන්තර ක්රිකට් ක්රීඩාංගණයේ. එම තරග ත්රිත්වය පැවැත්වීමට නියමිතව තිබෙන්නේ ජනවාරි 30, පෙබරවාරි 1 සහ 3 දිනවල.
(සටහන | වර්නන් ගුණසේකර)
ජ්යෙෂ්ඨ මාධ්යවේදී
