ප්රථම වතාවට වෙළඳසේවා රග්බි සෙවන්ස් තරගාවලියට සහභාගි වූ ලින්ක් නැචුරල්ස් ප්රොඩක්ට්ස් කණ්ඩායම සමස්ත තරගාවලිය පුරා අපරාජිතව සිටිමින් ශූරතාව දිනා ගැනීමට සමත් වුනා.
එම කණ්ඩායම ‘කප්’ ශූරතාව හිමිකර ගත්තේ අවසාන තරගයේදී පර්ල් බීච් පැරඩයිස් කණ්ඩායම ලකුණු 31-14කින් පරාජය කරමින්. තරගයේ විවේක කාලය එළඹෙන විට ලින්ක් නැචුරල්ස් කණ්ඩායම ලකුණු 14-7කින් පෙරමුණ ගෙන සිටියා.
ජයග්රාහී ලින්ක් නැචුරල්ස් කණ්ඩායම වෙනුවෙන් ශ්රීනාත් සූරියබණ්ඩාර, කවිඳු පෙරේරා, ඩිනාල් ඒකනායක, ජනිඳු ඩිල්ෂාන් සහ චමෝද් ලක්ෂාන් ට්රයි ලබා ගත් අතර පර්ල් බීච් කණ්ඩායම ලකුණු ලබා ගත්තේ පෙනල්ටි ට්රයි එකකින් සහ ජයතු රාජරත්න ලබා ගත් ට්රයි දිනුමෙන්.
තරගාවලියේ ‘ප්ලේට්’ ශූරතාව හිමිකර ගත්තේ ජෝන් කීල්ස් හෝල්ඩිංස් කණ්ඩායම. අවසාන තරගයේදී ඔවුන් වෙතින් ලකුණු 26-10කින් පරාජය ලැබුවේ සී.ඩී.බී. කණ්ඩායම.
සෙලාන් බැංකුව ලකුණු 33-0කින් සෙලින්කෝ රක්ෂණ සමාගම පරදවමින් ‘බෝල්’ ශූරතාව හිමිකර ගත් අතර මාස් හෝල්ඩිංස් ලකුණු 30-14කින් කොමර්ෂල් ක්රෙඩිට් පරාජය කරමින් ‘ෂීල්ඩ්’ කිරුළ දිනා ගත්තා.
තරගාවලියේ වඩාත්ම දක්ෂ ක්රීඩකයාට පිරිනැමෙන ‘මොහාන් ඩැනියල් අනුස්මරණ කුසලානය’ හිමිකර ගත්තේ ලින්ක් නැචුරල්ස් කණ්ඩායමේ ශ්රීනාත් සූරියබණ්ඩාර. ට්රයි 9ක් වාර්තා කළ කොමර්ෂල් ක්රෙඩිට් කණ්ඩායමේ අංජන විනෝද් තරගාවලියේ වැඩිම ට්රයිලාභියාගේ කුසලානය හිමිකර ගත්තා.
අවසාන තරගයේ වීරයා වුනේ ට්රයි 2ක් ලබා ගත් ලින්ක් නැචුරල්ස් කණ්ඩායමේ ජනිඳු ඩිල්ෂාන්. සමස්ත තරගාවලියේ වීරයා ලෙස ශ්රීනාත් සූරියබණ්ඩාර නම් කෙරුණා. හොඳම නැගී එන ක්රීඩකයාට හිමි කුසලානය දිනා ගත්තේ සෙලාන් බැංකු කණ්ඩායමේ මහතීර් රාබන්.
වෙළඳසේවා රග්බි සංගමයේ මෙහෙයවීමෙන් සී.ආර්.ඇන්ඩ් එෆ්.සී. ක්රීඩාංගණයේදී මේ තරගාවලිය ඉතාමත් සාර්ථකව පැවැත්වුනේ 53 වැනි වතාවට.
(සටහන | වර්නන් ගුණසේකර)
ජ්යෙෂ්ඨ මාධ්යවේදී
