2025 වෙළඳසේවා වොලිබෝල් තරගාවලියේ සුපර් ලීග් ශූරයින් වීමට මැලිබන් කණ්ඩායම සමත් වුනා. ශූරියන් වූයේ මාස් කැෂුඅලයින් කණ්ඩායම.
මැලිබන් කණ්ඩායම සුපර් ලීග් පිරිමි ශූරතාව දිනා ගත්තේ අවසාන තරගයේදී ඕෂන් ලංකා කණ්ඩායම ලකුණු 33-31, 25-23, 29-27කින් පරාජය කරමින්. සුපර් ලීග් කාන්තා අවසාන තරගයේදී මාස් කැෂුඅලයින් කණ්ඩායම ලකුණු 25-22, 25-14, 25-16කින් හයිඩ්රාමනි පිල පරාජය කළා.
සුපර් ලීග් දක්ෂතම ක්රීඩකයා ලෙස මැලිබන් කණ්ඩායමේ එල්.ඒ.ඩී.සන්දීප ද, දක්ෂතම ක්රීඩිකාව ලෙස මාස් කැෂුඅලයින් කණ්ඩායමේ ඩබ්ලිව්.ඒ. සචිනි මදුවන්ති ද නම් කෙරුණා.
වෙළඳසේවා වොලිබෝල් චැම්පියන්ස් ශූරතා තරගාවලියේදී ශූරයින් වුනේ ඕෂන් ලංකා කණ්ඩායම. වට පහක් පුරා ම ක්රීඩා කෙරුනු අවසාන තරගයේදී ඔවුන් හමුවේ ලකුණු 25-22, 25-22, 20-25, 25-27, 15-13කින් පරාජයට පත්වුනේ මැලිබන් කණ්ඩායම.
චැම්පියන්ස් ශූරියන් ලෙස කිරුළු පැළඳුවේ මාස් කැෂුඅලයින් කණ්ඩායම. අනුශූරියන් වුනේ අවසාන තරගයේදී ලකුණු 25-18, 25-15, 25-19කින් පරාජය වූ ඔමේගා ලයින් කණ්ඩායම.
චැම්පියන්ස් තරගාවලියේ දක්ෂතම ක්රීඩකයා ලෙස ඕෂන්ලංකා කණ්ඩායමේ ඩබ්ලිව්.එන්.පී. වීරසිංහ තේරුණු අතර දක්ෂතම ක්රීඩිකාව වුනේ මාස් කැෂුඅලයින් කණ්ඩායමේ පී.එච්.පාරින්දි දිසානායක.
මේ තරගාවලිය පසුගිය සතිඅන්තයේ පැවැත්වුනේ වෙන්නප්පුව ඇල්බර්ට් එෆ්. පීරිස් ගෘහස්ථ ක්රීඩාංගණයේ.
(සටහන | වර්නන් ගුණසේකර)
ජ්යෙෂ්ඨ මාධ්යවේදී
