තරඟයකින් පසු කණ්ඩායම් දෙකෙහිම ක්රීඩකයින් අතටඅත දිය යුතු බවට නීතියක් නොමැති බව ඉන්දීය ක්රිකට් පාලක මණ්ඩලයේ
(BCCI) ජ්යෙෂ්ඨ නිලධාරියෙකු උපුටා දක්වමින් විදෙස් වාර්තා පවසයි.
ඔහු මෙම ප්රකාශය නිකුත් කර ඇත්තේ පසුගියදා පැවති ඉන්දියාව සහ පාකිස්තාන නායකයන් අතර තරගයට පෙරදී සහ පසුව සම්ප්රදායික අතටඅත දීම ප්රතික්ෂේප කිරීමට ඉන්දීය කණ්ඩායම ගත් තීරණය 2025 ආසියානු කුසලාන තරඟයට වඩා ලෝකයේ අවධානය දිනාගැනීමෙන් පසුවයි.
තරගයෙන් පසුව, නායක සූර්යකුමාර් පැවසුවේ, අප්රේල් 22 වන දින ඉන්දියාවේ කාශ්මීරයේ දී පකිස්ථානය පදනම් කරගත් ත්රස්තවාදීන් සිව්දෙනෙකු විසින් පුද්ගලයන් 26 ක්, එනම් ඉන්දියාවෙන් සහ විදේශයන්ගෙන් පැමිණි සංචාරකයින් තිදෙනෙකු මහදවල් කරන ලද කුරිරු ප්රහාරයෙන් මියගිය අයගේ පවුල් වෙනුවෙන් ඉන්දීය කණ්ඩායම පෙනීසිටින බවයි.
මෙම සිද්ධියෙන් පසුව ඊට විවේචනාත්මක අදහස් වේගයෙන් ගලා ආ අතර තරග විනිසුරු ඇන්ඩි පයික්රොෆ්ට් ක්රීඩාවට උචිත නොවන හැසිරීම නිසා ඉන් ඉවත් කරන ලෙස පාකිස්තාන ක්රිකට් මණ්ඩලය විසින් ඉල්ලා තිබිණ.
"බලන්න, ඔබ නීති පොත කියෙව්වොත්, විරුද්ධ කණ්ඩායම සමඟ අතට අත දීම පිළිබඳ එහි නිශ්චිතභාවයක් නෑ. එය ක්රීඩවේදී ගෝලීය වශයෙන් අනුගමනය කරනු ලබන සුහද ඉරියව්වක් මිස, නීතියක් නොව සම්මුතියක්" යනුවෙන් නම හෙළි නොකිරීමේ කොන්දේසියක් මත BCCI නිලධාරියෙකු උපුටා දක්වමින් විදෙස් පුවත් වාර්තා කර ඇත.
"නීතියක් නොමැති නම්, ඉන්දීය ක්රිකට් කණ්ඩායම දැඩි සබඳතාවක් ඇති විරුද්ධ කණ්ඩායමක් සමඟ අතට අත දීමට බැඳී නෑ" ඔහු තවදුරටත් පවසා ඇත.
| hirunews
මේ පුවතට සම්බන්ධ තවත් විස්තර
Asia Cup: ඉන්දීය ක්රීඩකයින් අතට අත දීම ප්රතික්ෂේප කළා - පකිස්ථාන පුහුණුකරු
