Olympia 2026 සමස්ත ලංකා මලල ක්රීඩා ශූරතාව දිනා ගැනීමට කිරිබත්ගොඩ JMC ජාත්යන්තර පාසල සමත් වුණා.
JMC ජාත්යන්තර පාසල් ජාලයේ ශාඛා 18ක් නියෝජනය කරමින් සිසුන් 1,300කට අධික සංඛ්යාවක් සහභාගි වූ මේ තරගාවලියේදී කිරිබත්ගොඩ ශාඛාව කුසලානය හිමිකර ගත්තේ ලකුණු 373ක් ලබා ගනිමින්.
කඩුවෙල ශාඛාව ලකුණු 345ක් රැස් කරමින් අනුශූරයීන් වූ අතර තෙවැනි ස්ථානයට පත්වුනේ ලකුණු 299ක් ලබා ගත් ගම්පහ ශාඛාව.
වයස අවුරුදු 18න් පහළ දක්ෂතම ක්රීඩකයා ලෙස තේරුණේ කළුතර ශාඛාවේ එම්.ඒ. මොහමඩ් ෆර්ෂාද්. දක්ෂතම ක්රීඩිකාව වුනේ කිරිබත්ගොඩ ශාඛාවේ එච්.ඩබ්ලිව්.එස්. ඩියංශා වෙදගේ.
තරගාවලියේ විශිෂ්ට දස්කම් පෑ බාලක බාලිකාවන්ගෙන් වැඩි ප්රමාණයක් වාර්තා වුනේ කඩුවෙල JMC ජාත්යන්තර පාසලෙන්. එම පාසලේ එච්. ෂලිනි අප්සරා පෙරේරා වයස අවුරුදු 12න් පහළ දක්ෂතම ක්රීඩිකාව ලෙස නම් කෙරුනු අතර කේ.ඩී. අෂේර් නේතන් අවුරුදු 14න් පහළ දක්ෂතම ක්රීඩකයා ලෙස තේරුණා. මීට අමතරව, එම ශාඛාවේ එන්.පී. යෙෂෙල් නිශාක්ය තිම්සර හා ගම්පහ ශාඛාවේ ඩබ්ලිව්. යෙතිදු ෂවේන් අවුරුදු 16න් පහළ දක්ෂතම ක්රීඩකයින් බවට පත්වුණා.
එම වයස් ඛාණ්ඩයේ දක්ෂතම ක්රීඩිකාව වුනේ කුරුණෑගල ශාඛාවේ එම්. ඩිශිනි දිනොජ යි.
අවුරුදු 14න් පහළ දක්ෂතම ක්රීඩිකාව ලෙස මහනුවර ශාඛාවේ සෙහංසා නාරන්යා ද, අවුරුදු 12න් පහළ දක්ෂතම ක්රීඩකයා වශයෙන් කෑගල්ල ශාඛාවේ දිනුජය ප්රභාස්වර ද නම් කෙරුණා.
දියගම මහින්ද රාජපක්ෂ ක්රීඩාංගණයේදී මේ තරගාවලිය පැවැත්වුනේ නියෝජ්ය ක්රීඩා ඇමති සුගත් තිලකරත්න මහතාගේ ප්රධානත්වයෙන්. ක්රීඩා හා යෞවන කටයුතු අමාත්යංශයේ ලේකම් අරුණ බණ්ඩාර මහතා විශේෂ අමුත්තෙකු ලෙස සහභාගි වුණා.
(සටහන : වර්නන් ගුණසේකර)'ද ලීඩර්' ක්රීඩා වාර්තාකරු
| සමස්ත ශූරතාව දිනා ගත් කිරිබත්ගොඩ JMC පාසල් කණ්ඩායම
| සමස්ත ශූරතා කුසලානය සමග...
| දක්ෂතම ක්රීඩක ක්රීඩිකාවෝ
