ශ්‍රී ලංකාවේ ක්‍රීඩා ක්ෂේත්‍රය පරිපාලන අර්බුද සහ දේශපාලන තීන්දු තීරණ නිසා කඩා වැටුණු අවස්ථා ඉතිහාසයේ ඕනෑතරම් ඇත. එහි නවතම ගොදුර බවට පත්ව ඇත්තේ මෙරටට ජාත්‍යන්තර කීර්තියක් අත්කර දීමට වෙහෙසෙන කායවර්ධන සහ ශාරීරික යෝග්‍යතා ක්‍රීඩකයන්ය.
එළඹෙන ඔක්තෝබර් 29 වැනිදා ස්පාඤ්ඤයේ සැන්ටා සුසානා හිදී පැවැත්වීමට නියමිත ලෝක කායවර්ධන ශූරතාවලිය (IFBB World Championships 2026) සඳහා ශ්‍රී ලංකාව නියෝජනය කරමින් ඉදිරිපත් වීමට සිටින ක්‍රීඩකයන් අද වන විට පසුවන්නේ දැඩි අවිනිශ්චිතතාවයක සහ මානසික බිඳවැටීමකය.
එළඹෙන ඔක්තෝබර් 29 වැනිදා ස්පාඤ්ඤයේ සැන්ටා සුසානා හිදී පැවැත්වීමට නියමිත ලෝක කායවර්ධන ශූරතාවලිය (IFBB World Championships 2026) සඳහා ශ්‍රී ලංකාව නියෝජනය කරමින් ඉදිරිපත් වීමට සිටින ක්‍රීඩකයන් අද වන විට පසුවන්නේ දැඩි අවිනිශ්චිතතාවයක සහ මානසික බිඳවැටීමකය.
තීරණාත්මක මොහොතක සම්මේලනය අත්හිටුවීමේ විපාක
ක්‍රීඩා අමාත්‍යාංශය විසින් පසුගිය සැප්තැම්බර් 29 වැනිදා නිකුත් කළ විශේෂ ගැසට් නිවේදනයක් (අංක 2508/04) මඟින් ශ්‍රී ලංකා කායවර්ධන හා ශාරීරික යෝග්‍යතා සම්මේලනයේ ලියාපදිංචිය තාවකාලිකව අත්හිටුවීමට පියවර ගන්නා ලදී.
නිලධාරීන්ගේ පරිපාලනමය ගැටලු සහ විනය පරීක්ෂණ මීට හේතුව වුවද, ලෝක ශූරතාවලියට හරියටම මාසයකට පෙර ගත් මෙම තීරණය ක්‍රීඩකයන්ගේ ගමනට එල්ල කළ මරු පහරක් විය. සම්මේලනයේ බලතල ක්‍රීඩා අමාත්‍යාංශයේ ලේකම්වරයා යටතට පත් වුවද, ක්‍රීඩකයන්ගේ ප්‍රායෝගික අවශ්‍යතා සොයා බැලීමට නිසි යාන්ත්‍රණයක් තවමත් ක්‍රියාත්මක නොවේ.
ලක්ෂ ගණනක පෞද්ගලික වියදම් සහ කැපවීම් වතුරේ
කායවර්ධන ක්‍රීඩාව යනු සෙසු ක්‍රීඩාවලට වඩා අධික පිරිවැයක් දැරිය යුතු කලාවකි. ලෝක මට්ටමේ තරගාවලියක් සඳහා සිරුර හැඩගස්වා ගැනීමට (Diet and Supplementation) ක්‍රීඩකයෙකු මසකට රුපියල් ලක්ෂ 3 සිට 5 දක්වා පෞද්ගලික මුදල් වැය කරයි.
කායවර්ධන ක්‍රීඩාව යනු සෙසු ක්‍රීඩාවලට වඩා අධික පිරිවැයක් දැරිය යුතු කලාවකි. ලෝක මට්ටමේ තරගාවලියක් සඳහා සිරුර හැඩගස්වා ගැනීමට (Diet and Supplementation) ක්‍රීඩකයෙකු මසකට රුපියල් ලක්ෂ 3 සිට 5 දක්වා පෞද්ගලික මුදල් වැය කරයි.
වත්තලදී පැවැති නිල සංචිත තේරීම් තරගවලින් ජයගෙන, මාස ගණනාවක් තිස්සේ කුසගින්න ඉවසමින්, දැඩි කැපවීම් කළ ක්‍රීඩකයන්ට අද වන විට ස්පාඤ්ඤය බලා යාමට ගුවන් ටිකට්පතක් හෝ වෙන්කර ගැනීමට අනුග්‍රාහකයෙකු නොමැති තත්ත්වයට පත්ව ඇත. සම්මේලනයක් නොමැති කල අනුග්‍රාහක ආයතන ද ඉදිරිපත් වීමට මැලි වේ.
බිඳවැටුණු නිල සම්බන්ධීකරණය සහ වීසා අර්බුදය
සම්මේලනය විසුරුවා හැරීමත් සමඟ ජාත්‍යන්තර කායවර්ධන සම්මේලනය (IFBB) සමඟ පැවැත්විය යුතු නිල සම්බන්ධීකරණ කටයුතු අඩාල වී ඇත. ක්‍රීඩකයන්ගේ ලියාපදිංචි ගාස්තු, නවාතැන් පහසුකම් සහ වීසා (Visa) බලපත්‍ර ලබාගැනීමේ කටයුතු සඳහා රජයෙන් හෝ ක්‍රීඩා අමාත්‍යාංශයෙන් ලැබිය යුතු සහාය ඉතා මන්දගාමී වී තිබේ.
රටක් නියෝජනය කිරීමට යන ක්‍රීඩකයන්ට තමන්ගේ වීසා ගැටලු විසඳා ගැනීමට අමාත්‍යාංශ ලේකම්වරුන් පසුපස රස්තියාදු වීමට සිදුවීම බරපතළ ඛේදවාචකයකි.
තරගයට පෙර එල්ලවන මානසික හා ශාරීරික පීඩනය
කායවර්ධන තරගාවලියකට දින කිහිපයකට පෙර ක්‍රීඩකයන් පසුවිය යුත්තේ උපරිම මානසික ඒකාග්‍රතාවයකිනි. ශරීරයේ ජල මට්ටම පාලනය කරමින් (Dehydration stage) දැඩි පීඩනයක පසුවන මේ මොහොතේ, තමන්ට තරගයට යාමට හැකිවේද නැද්ද යන්න පිළිබඳ පවතින අවිනිශ්චිතතාවය ඔවුන්ගේ හෝමෝන ක්‍රියාකාරිත්වයට සහ සිරුරේ හැඩයට (Conditioning) සෘජුවම බලපායි. නිලධාරීන්ගේ වරදට ක්‍රීඩකයන් ශාරීරිකව මෙන්ම මානසිකව ද දඬුවම් විඳිමින් සිටී.
බලධාරීන්ගේ කඩිනම් අවධානය පිණිසයි
සම්මේලනය විසුරුවා හැරීමත් සමඟ ජාත්‍යන්තර කායවර්ධන සම්මේලනය (IFBB) සමඟ පැවැත්විය යුතු නිල සම්බන්ධීකරණ කටයුතු අඩාල වී ඇත. ක්‍රීඩකයන්ගේ ලියාපදිංචි ගාස්තු, නවාතැන් පහසුකම් සහ වීසා (Visa) බලපත්‍ර ලබාගැනීමේ කටයුතු සඳහා රජයෙන් හෝ ක්‍රීඩා අමාත්‍යාංශයෙන් ලැබිය යුතු සහාය ඉතා මන්දගාමී වී තිබේ.
රටක් නියෝජනය කිරීමට යන ක්‍රීඩකයන්ට තමන්ගේ වීසා ගැටලු විසඳා ගැනීමට අමාත්‍යාංශ ලේකම්වරුන් පසුපස රස්තියාදු වීමට සිදුවීම බරපතළ ඛේදවාචකයකි.
තරගයට පෙර එල්ලවන මානසික හා ශාරීරික පීඩනය
කායවර්ධන තරගාවලියකට දින කිහිපයකට පෙර ක්‍රීඩකයන් පසුවිය යුත්තේ උපරිම මානසික ඒකාග්‍රතාවයකිනි. ශරීරයේ ජල මට්ටම පාලනය කරමින් (Dehydration stage) දැඩි පීඩනයක පසුවන මේ මොහොතේ, තමන්ට තරගයට යාමට හැකිවේද නැද්ද යන්න පිළිබඳ පවතින අවිනිශ්චිතතාවය ඔවුන්ගේ හෝමෝන ක්‍රියාකාරිත්වයට සහ සිරුරේ හැඩයට (Conditioning) සෘජුවම බලපායි. නිලධාරීන්ගේ වරදට ක්‍රීඩකයන් ශාරීරිකව මෙන්ම මානසිකව ද දඬුවම් විඳිමින් සිටී.
බලධාරීන්ගේ කඩිනම් අවධානය පිණිසයි
නිලධාරීන් දූෂිත නම් හෝ පරිපාලනය දුර්වල නම් ඔවුන්ට එරෙහිව පියවර ගැනීම සාධාරණය. නමුත් එමඟින් රටට පදක්කම් ගෙන ඒමට වෙහෙසෙන අහිංසක ක්‍රීඩකයන්ගේ වෘත්තීය ජීවිතය සහ සිහින බිලි නොදිය යුතුය. ක්‍රීඩා අමාත්‍යාංශය වහාම මැදිහත් වී, මෙම ක්‍රීඩකයන් වෙනුවෙන් විශේෂ කමිටුවක් හරහා හෝ ස්පාඤ්ඤ සංචාරයට අවශ්‍ය මූල්‍ය සහ නිල සහාය ලබා දීමට කටයුතු කළ යුතුය. නැතහොත් සිදුවන්නේ ලෝක වේදිකාවේ බැබළෙන්නට සිටින ලංකාවේ යකඩ මිනිසුන් නිලධාරීවාදයේ මලකඩ කා අභාවයට යාම පමණි.
