ජූනි 09 වෙනි අගහරුවාදා හවස ලංකාවෙ පළමු ඉරොතික සඟරාව වන ශෘංගාර එළිදැක්වීම සිදු වුනා.
එය පැවැත්වුනේ බොරැල්ලේ CoCA Art Space කියන සාමූහික කලා පරිශ්රයේදීයි.
ස්වර්ණා මල්ලවාරච්චි, අශෝක හඳගම, සැන්ඩ්රා මැක්, සුමින්ද ගමගේ ඇතුලු තවත් බොහෝ කලාවට සම්බන්ධ පිරිස් එතනට එකතු වුනා.
ඒ එළිදැක්වීම සුවිශේෂ ආකාරයේ එකක් බව කිව යුතුයි. එහි දිගු දේශන තිබුනෙ නෑ. පාරාදීසය පුවත්පතේ මීට දශක ගණනාවකට පෙර ශෘංගාර කලාපය රචනා කළ සුමින්ද ගමගේ ශෘංගාරය පිළිබඳ තමන්ගේ ඉතා කෙටි අදහස් දැක්වීමක් පමණක් සිදුකළා.
මින් පෙර පොත් එලිදැක්වීමක නොදුටු ආකාරයෙන් Pole Dancing නර්තනයක් සියල්ලන්ගේ රසාස්වාදනය වෙනුවෙන් ඉදිරිපත් වුනා. එම නර්තනය ඉදිරිපත් කලේ Lora විසිනුයි. අනතුරුව සියල්ලන් මිතුරු සංවාදවල යෙදෙමින් කමින් බොමින් සොඳුරු සවස් කාලය ගත කළා.
ශෘංගාර සඟරාව ලංකාවේ ශෘංගාරය අරඹයා ලිවීම් කරන බොහෝ පිරිසකගේ එකතුවක්. කැකිරාවේ සුදස්සන හිමි, අනීශා ජයකොඩි, රන්දුලා ද සිල්වා, මහේෂී වීරකෝන්, ශේන්යා ෆර්ඩිනැන්ඩස්, ප්රවීන් මලවැන්නගමගේ ආදී ලේඛක පිරිසකගේ රචනා මේ සඟරාවට එකතු වෙනවා.
ඒ වගේම ශෘංගාර කතන්දර සහ විශේෂ ඡායාරූප එකතුවක් මෙහි අන්තර්ගතයි. ශෘංගාර පිටුසැකසුම සිදු කරන්නේ චන්දන ප්රසන්න වන අතර එහි ඡායාරූප මීෂා ගුණවර්ධනගෙනි. ශෘංගාර සංස්කරණය වන්නේ ෆැකල්ටි ඔෆ් සෙක්ස් නිර්මාතෘ චින්තන ධර්මදාස අතිනුයි.
විශේෂයෙන්ම සඳහන් කළ යුතු කාරණයක් වන්නේ මේ සඟරාවේ අද්විතීය මුද්රණ තත්වයයි. එහි පාර්ශ්වකරුවා වන්නේ නියෝ ග්රැෆික්ස් ආයතනයයි. එහි පිටු ස්පර්ශ කරන කෙනෙකුට මේ වෙනස නිතැතින්ම හඳුනාගත හැකි වෙනවා.
ශෘංගාර නැමැති අමුතු ව්යාපෘතිය දියත් වන්නේ මංගල සමරවීරයන් විසින් ආරම්භ කරන ලද රැඩිකල් සෙන්ටර් සාමූහිකය වෙතිනුයි. ලංකාවෙ සියලු දේශපාලන අර්බුදවලට යටින් දිවෙන ශෘංගාර අර්බුදයට මැදිහත් වීම මේ ව්යාපෘතියේ අරමුණ වෙනවා.
සෑම මාස තුනකටම වරක් නිකුත් වන ශෘංගාර ලංකාවේ දේශපාලන සහ සංස්කෘතික කලාපයේ ඇවිලෙනසුලු අත්දැකීමක් වනු ඇති.
(සටහන | චින්තන ධර්මදාස)
දේශපාලන හා සමාජ විශ්ලේෂක
අධ්යක්ෂ - facultyofsex
