උතුරේ පූජනීය ස්ථාන මූල් කර ගනිමින් අන්තවාදී දේශපාලන පක්ෂයක පිරිසක් නොවිය යුතු දේ

සිදු කරමින් සිටින බවට ආරක්ෂක රාජ්‍ය අමාත්‍යවරයා චෝදනා කරයි.

"අන්තවාදී දේශපාලන පක්ෂයක පිරිසක් උතුරේ පූජනීය ස්ථාන මූල් කර ගනිමින් නොවිය යුතු දේ සිදු කරමින් සිටිනවා. ඒවා රටක සිදු නොවිය යුතු දේවල්."

ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් ඒ බව සදහන් කළේ ‘ස්ථාවර රටකට සැවොම එක මඟකට’ මැයෙන් ජනාධිපති මාධ්‍ය කේන්ද්‍රයේ ජුලි 6 වැනිදා සංවිධානය කර තිබූ මාධ්‍ය හමුවට එක්වෙමින් බව රජයේ ප්‍රවෘත්ති දෙපාර්තමේන්තුව නිවේදනය කර තිබේ.

අමාත්‍යවරයා එම ප්‍රකාශය කළේ මතබේදයට ලක්වී ඇති කුරුන්තුර්මලේ පුරාවිද්‍යා භුමියේ උසාවි අණ නොතකා ඉදිකර ඇති කුරුන්දි විහාරය නැරඹීමට පිවිතුරු හෙළ උරුමයේ නායක උදය ගම්මන්පිල ප්‍රමුඛ ගිහි, පැවිදි සමුහයක් යාමෙන් දින කිහිපයකින් අනතුරුවය.

උතුරු නැගෙනහිර ඉඩම් ලබාදීමේ කටයුතු විධිමත්ව සිදු වෙන බව පවසන රාජ්‍ය අමාත්‍යවරයා එහිදී තව දුරටත් සදහන් කර ඇත්තේ කවුරුන් හෝ සතුටු කිරීමේ අදහසින් ඒවා ලබාදීම සිදු නොවන අතර ඒවා සුදුසු හිමිකරුවන්ට ලබාදීමට පියවර ගනිමින් සිටින බවයි.

"මේ සම්බන්ධයෙන් විනිවිදභාවයකින් යුතුව කටයුතු කිරීමට රජය කමිටුවක් ද පත් කර තිබෙනවා. මේ වන විටත් උතුරේ ඉඩම්වලින් 80%ක් යළි ජනතා අයිතියට පවරා දී අවසන්. ඒ වගේම කිසිවිටෙකත් කිසිවෙකු සතුටු කිරීම වෙනුවෙන් හමුදා කඳවුරු ඉවත් කිරීමට රජය කටයුතු කරන්නේ නැහැ. නමුත් නිසි විමර්ශනයකින් අනතුරුව අවසන් තීන්දු තීරණ ගැනීමට රජය කටයුතු කරනවා."



රාජ්‍යයක් ලෙස රටේ ආරක්ෂාව වෙනුවෙන් සෑම වසරකදීම ඉදිරි වසර පහක කාලය සම්බන්ධයෙන් වූ තක්සේරු වාර්තාවක් ලබා ගන්නා බව හෙළි කරමින්  ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් තව දුරටත් පවසා ඇත්තේ ත්‍රස්තවාදය, අන්තවාදය, නීතිවිරෝධී ක්‍රියා, භූගෝලීය දේශපාලන සහ අපරාධ මැඩ පැවැත්වීම සම්බන්ධයෙන් වූ සමස්තය මෙම තක්සේරුවේදී ආවරණය කෙරෙන බවයි.



"මෙම තක්සේරුව අනුවයි රජය ජාතික ආරක්ෂාව සම්බන්ධයෙන් ඉදිරි පියවර ගනු ලබන්නේ."

2009 වසරේ යුද්ධය අවසන් වීමෙන් පසුව ආරක්ෂක අංශ සාමාජිකයන් ප්‍රමාණාත්මක වෙනස්කම් සිදු කළ අතර  පසුගිය කාලයේ ආරක්ෂක අංශ සඳහා නව බඳවා ගැනීම් සිදු නොකළත් ඉදිරියේදී යම් සීමාවන් තුළ බඳවා ගැනීම් සිදු කිරීමට පියවර ගන්නා බව පැවසු රාජ්‍ය අමාත්‍යවරයා අවධාරණය කර ඇත්තේ  මෙම විධිමත් කිරීමේ ක්‍රියාවලියේ දි ආරක්ෂක අංශවල කිසිවකුත් ඉවත් කිරීමක් සිදු නොවන බවයි.

උතුරු නැගෙනහිර ප්‍රදේශ නියෝජනය වන පරිදි ජාතික ශිෂ්‍ය භට ව්‍යාපාරය සඳහා සාමාජිකයන් 20%ක් බඳවා ගැනීම රජය සැලසුම් සම්බන්ධයෙන්ද ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් එහිදී කරුණු හෙළි කර තිබේ.

"එම පිරිස් සමාජ ආරක්ෂාව වෙනුවෙන් යොදවා ගැනීම කෙරෙහි අවධානය යොමු කර තිබෙන අතර, එමගින් ඒ ඒ ප්‍රදේශවල සමාජ බුද්ධි ඒකක ලෙස ඔවුන් යොදවා ගැනීම අපේක්ෂාවයි."

Screenshot 2023 07 07 at 12.18.55 PM


JW

Follow Us

Image
Image
Image
Image
Image
Image

නවතම පුවත්