නයිජීරියාවට එක්සත් ජනපද හමුදා ගුවන් ප්‍රහාර !

නයිජීරියාව වෙත එක්සත් ජනපද හමුදා පිටත් කර හැරෙනු ඇතැයි, ජනපති ඩොනල්ඩ්  ට්‍රම්ප් කියයි.

නොඑසේව, ඒ වෙත දැඩි ගුවන් ප්‍රහාර එල්ල කෙරෙනු ඇතැයි හෙතෙම අනතුරු අඟවයි.    

නයිජීරියාවේ මේ වනවිට කිතුණු ජනසංහාරයක් සිදුවේ. වහා එම ම්ලේච්ඡ ක්‍රියාවට එරෙහිව පියවර ගන්නා බව ජනපති ට්‍රම්ප් ඊයේ (02) ප්‍රකාශ කළේය.

එක්සත් ජනපද ජනපතිවරයාගේ "එයාර් ෆෝර්ස් වන්" ගුවන් යානයේ සිට මාධ්‍යවේදීන් ඇමතු ජනපති ට්‍රම්ප්, එම ඝාතන දිගින් දිගටම සිදු වීමට කිසිසේත් ඉඩ නොතබන බව අවධාරණය කළේය.

අප්‍රිකානු මහාද්වීපයේ පිහිටි ජනගහනය අධිකම රට නයිජීරියාවයි. එරට ආගමික සහජීවනය පිරිහී ඇතැයි, එක්සත් ජනපදය චෝදනා කරයි.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
11/03/2025

මුලාශ්‍රය :

Trump says there 'could be' US troops on the ground in Nigeria, or air strikes